الأخيرة

متحدثا عن صعوبات البدايات.. تامر حسني: أمي أول معجب في حياتي

قال الفنان تامر حسني، إن والدته هي من شجعته على اكتشاف موهبته والسعي وراء حلمه، وكانت أول معجب له في حياته.

تابع “تامر” معلقا على فيديو له وسط الجمهور من حفله بجامعة المستقبل، نشره عبر حسابه على “فيسبوك”: “المشهد ده كان أكتر مشهد بحلم بيه من وأنا صغير تقريبا، كنت بشوفه كل شهر بأشكال مختلفة، وكنت بسأل نفسي طب يارب أنا هتشهر بالشكل ده والناس هتحبني كدا في أي مجال؟ عشان ساعتها كنت بلعب كورة، بس كان عندي إصابات كتير بدري على سني ومشاكل مع بعض المدربين اللي مقتنع بيا واللي مش مقتنع بيا فبيخليني احتياطي موسم كامل”.

نرشح لك: شاهد.. كليب أغنية “قمر 14” لـ أحمد كامل

أضاف: “الموضوع ده اتكرر معايا في الزمالك والأهلي والإتنين استغنوا عن خدماتي، يعني زي ما تقولوا كده في ظروف كانت بتتجمع عشان أفهم إن الكوره مش مستقبلي، رغم تعلقي بيها الجنوني”.

أردف: “بس أتاري ربنا كان كاتبلي مستقبل تاني وأفضل ليا، بس عرفت ده لما دورت جوه نفسي بجد بمساعدة اول معجب ليافي حياتي والوحيد اللي كان مصدقني.. وهي أمي، يعني مهم أوي إنك تدور جوه نفسك عشان لازم هتلاقي ربنا مخلقكش فاضي”.

اختتم: ” وأتمنى من الأهل إنهم يركزوا مع ولادهم في أصغر سن ليهم، ويفضلوا دايما يكلموهم عن الحلم والطموح والنجاح، بكتب الكلام ده وواثق مليون في المية إن فيكم حد محتاج يسمعه وكان مستنيه.. الإشاره جت أهي مالكش أو مالكيش حجة”.

يشار إلى أن تامر حسني، أحيا مؤخرا عدة حفلات متتالية في القاهرة الإسكندرية، بحضور كبير، وأيضا حفله في الأردن الذي حضره أكثر من 100 ألف شخص، وقدم خلالها عدد من العروض الاستعراضية وسط احتفاء الجمهور، وقدم عدد كبير من أغانيه القديمة والجديدة.

كما شارك تامر بالندوة التثقيفية لحرب أكتوبر التي أقيمت في مركز المنارة ضمن احتفالات الدولة المصرية بالذكرى الـ 48 لانتصار حرب أكتوبر المجيدة، من خلال تقديم أغنية وطنية بحضور الرئيس عبد الفتاح السيسي.

يشار إلى أن أحدث أغنياته هي “صعبة”، والتي حققت على “يوتيوب” 55 مليون مشاهدة، وهي من كلمات وألحان عزيز الشافعي، توزيع عبد الرحمن شوقي، ماستر علي فتح الله، والكليب من إخراج تامر حسني.

يذكر أن آخر أعمال تامر حسني السينمائية فيلم “مش أنا” فكرة وسيناريو وحوار وبطولة تامر حسني، وإخراج سارة وفيق، ويشارك في بطولته كل من: حلا شيحة، وماجد الكدواني، وسوسن بدر، وشيرين، وحجاج عبد العظيم، بجانب عدد من ضيوف الشرف، منهم إياد نصار، محمد عبد الرحمن، وعصام السقا.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock