كلمات أغنية "قمر 14" لـ أحمد كامل

طرح الفنان أحمد كامل فيديو كليب الأغنية الترويجية لفيلم “قمر 14” المقرر طرحه يوم 12 يناير الحالي بدور العرض السينمائية.

الأغنية من كلمات الشاعر أمير طعيمة وتوزيع موسيقي فهد.

نرشح لك: شاهد.. كليب أغنية “قمر 14” لـ أحمد كامل

ويظهر خلال فيديو كليب الأغنية أبطال الفيلم.

المشاهدة من هنا 

وجاءت كلمات الأغنية كالتالي:

بليل مع نفسي قاعد بشكي لقمر 14
ليه كل ما أقرب من الحلم يا دنيا بيتاخر وكان الليل ملوش آخر
مكتوبلي حبيبتي مكتوبلك نرجع بوجعنا
كل ما بنقرب من بعض الدنيا بتمنعنا نصرخ ومحدش يسمعنا

ليه كل براح بيديق على أحلامنا المكبوتة
وازاي هنطير ولا هنعلى بجناحات مربوطة
وتملي أنا وأنتي أنا وأنتي الحلقة الأضعف في الحدوتة
وتملي أنا وأنتي أنا وأنتي الحلقة الأضعف في الحدوتة

مطلبتش أبدا من الدنيا حضن مهوش ليا
من وجهة نظري أنا أحلامي كلها طبيعية أنا عايزك دايما حواليا
والدنيا مصرة تفرقنا وتهد عزيمتي
وكأن مفيش حاجة وراها غير أنا وأنتي وهموت لو لحظة استسلمتي

ليه كل براح بيديق على أحلامنا المكبوتة
وازاي هنطير ولا هنعلى بجناحات مربوطة
وتملي أنا وأنتي أنا وأنتي الحلقة الأضعف في الحدوتة
وتملي أنا وأنتي أنا وأنتي الحلقة الأضعف في الحدوتة

يذكر أن أحداث الفيلم تدور حول 5 حكايات مختلفة، الحكاية الأولى تضم كلا من محمد الشرنوبي وغادة عادل، كريم فهمي، عارفة عبد الرسول، ومحمد مهران.

بينما الحكاية الثانية من الفيلم بطولة أحمد حاتم، أسماء أبو اليزيد، أحمد بدير، ومحمد جمعة، والحكاية الثالثة، أحمد مالك، وبيومي فؤاد، ومي الغيطي، والرابعة، دينا الشربيني، وأحمد الفيشاوي، ومحمد علاء جمايكا، وليلى عز العرب، والحكاية الخامسة، خالد النبوي وشيرين رضا، والعمل قصة وسيناريو وحوار محمود زهران.

ويضم فيلم “قمر 14” عددًا من الفنانين منهم خالد النبوي، غادة عادل، أحمد الفيشاوي، ياسمين رئيس، شيرين رضا، بيومي فؤاد، أحمد حاتم، أسماء أبو اليزيد، أحمد مالك ومي الغيطي، ومن تأليف محمود زهران، وإخراج هادي الباجوري.