مي كساب في عيد ميلادها: قلبي بيبي والحياة لم تلوثه
احتفلت الفنانة مي كساب بعيد ميلادها مع متابعيها بطريقة طريفة، حيث نشرت فيديو لها وفي الخلفية أغنية عبد الباسط حمودة “أنا مش عارفني”.
نشرت “كساب” عبر حسابها الشخصي على موقع تبادل الصور والفيديوهات إنستجرام، مقطع الفيديو، وكتبت: “مع بداية يوم جديد في سنة جديدة من عمري أيوه فعلا أنا بأبص لنفسي عمري ما بحس إني كبرت في السن”.
View this post on Instagram
نرشح لك: مي كساب تتعاقد على مسلسل لرمضان 2022
تابعت: “كبرت في العقل بس لكن قلبي بيبي بريئ قسوة الحياة ماقدرتش برضو تلوثه الحمد لله حتي يبلغ الحمد منتهاه على كل نعمه، ليه النهاردة كان يوم مختلف عشان ولادي وجوزي وأبويا عملولي عيد ميلادي وصحيت من النوم بعد يوم تصوير شاق جدا على مفاجأتهم ليا كانت بسيطة وجميلة وصادقة منن أنقى القلوب في عمري أبويا وجوزيج وولادي ربنا يخليكم ليا يا نور الحياة بحبكم حب كبير قوي قوي”.
واصلت: “شكرا لكل حد كتبلي كلمة حلوة من قلبه شكرا حبيبة قلبي صابرين النجمة الكبيرة قوي شكرا فريق عملي شركاء الكفاح على أول عيد ميلاد شكرا سالي وفاطمة وسارة أصحابي اللي صمموا يكونو معايا رغم سوء الجو الحب الصادق نعمة كبيرة قوي، وأخيرا جوزي يا ابن الأصول بحبك يا جنرالي ربنا يكرمك زي ما أكرمتني كل شمعة طفيتها من امبارح النهاردة كنت بادعيلك قبلي ربنا يخليك لينا وتحقق كل أحلامك ويبعد عنك أي شر طول ما أنت كويس أنا كويسة وسعيدة واللي فات من عمري كوم واللي جاي كوم نبدأ بقى من يوم السبت بداية جديدة، جمهوري بحبكم قوي شكرا على كل الحب اللي غمرتوني بيه النهاردة”.
يذكر أن مي كساب، أعلنت عن تعاقدها على مسلسل كوميدي جديد تشارك به في الموسم الرمضاني المقبل 2022.
أضافت: “وإخراج محمد عبد الرحمن حماقي إنتاج أجدع ست شفتها في حياتي اللي رجعتلي الأمل في الحياة مها سليم، شكرُا من قلبي جمهوري الكبير إن شاء الله عمل كوميدي يليق بيكم وتتبسطو يارب ادينا من كرمك وفضلك”.
كتبت “كساب” عبر حسابها الشخصي بموقع تبادل الصور والفيديوهات “إنستجرام“: “الحمد لله رب العالمين مضيت النهارده مسلسلي رمضان 2022، فكرة وتأليف نصر الدين ناجي، سيناريو وحوار أحمد سعد، والي محمد، صلاح خطاب، إبراهيم صابر، علاء حسن”.