سمير صبري: اتجوزت إنجليزية في السر خوفا من والدي

محمد هيثم

كشف الفنان سمير صبري، تفاصيل زواجه، وقال إنه تزوج في السر خوفا من والده.

أضاف “صبري” خلال لقائه مساء اليوم في برنامج “كلمة أخيرة” المذاع على قناة “ON” وتقدمه الإعلامية لميس الحديدي: “هي إنجليزية وكانت بتدرس في مدرسة في إسكندرية، فحبينا بعض واتعرفنا على بعض وقالتلي عايزة أجي مصر، وجت مصر وشغلتها في مدرسة في الزمالك، وأنا كنت ساكن في الزمالك”.

نرشح لك: سمير صبري عن عدم تكريمه بالمهرجانات السينمائية: بينسوني

 

تابع: “بعد ما تخرجت والدي جابلي عربية وشقة في الزمالك، مش قبل ما اتخرج، كان أنجح أعمل، بعدين قالتلي إحنا هنستمر كدة لأمتي، وأنا عشان أتجوز واحدة خواجاية وأبويا اللواء في الجيش بيحلم أنه يعمل فرح كبير لأبنه في أوتيل”.

واصل: “اتجوزتها في السر وأجرت شقة ثانية غير اللي جابهلي والدي في الزمالك عشان مقدرتش أقوله وخفت أقوله”.

وفي نفس السياق قال”صبري”: والدي ووالدتي كانوا منفصلين، وده مضايقنيش احترمت رغبة أبويا أنه يتجوز واحدة ثانية غير والدتي لقي فيها شيء ملقهوش في أمي، ونفس الشيء بالنسبة لأمي”.

أضاف: “الميزة اللي أنا دائما أقولها لكل الناس اللي بيتطلقوا، عمر ما أمي عابت في أبويا ولا أبويا عاب في أمي، احترموا بعض جدا، ولما ماتت أمي وإحنا رايحين الجنازة قالي لي يارتني كنت أنا بدالها يا سمير”.

جدير بالذكر أن برنامج” كلمة أخيرة” تقدمه الإعلامية لميس الحديدي ويذاع على قناة” ON” من السبت إلى الثلاثاء في تمام الساعة التاسعة مساءً.

بلية أم لوزة.. السؤال الذي حير الجمهور لأكثر من 30 عامًا

 

on رئيسية سمير صبري كلمة أخيرة لميس الحديدي