رامي جمال للجمهور: أكمل ولا مالوش لازمة؟
شارك الفنان رامي جمال جمهوره، عن حيرته في اتخاذ قرار أن يكمل في مجال الفن أم يكتفي ويتوقف.
نشر “جمال” عبر حسابه الشخصي على موقع تبادل الصور والفيديوهات إنستجرام، صورته، وكتب: “في وسط اللخبطة اللي حاصلة عندي سؤال مهم ليكم، يا ترى الفن اللي أنا بقدمه عاجبكم؟ يا ترى وجودي من عدمه يفرق؟”
نرشح لك: موعد عرض “طعم الدنيا” من مسلسل “إلا أنا” لـ إيمان العاصي
View this post on Instagram
تابع: “أوقات بفكر إني عمري ما هزهق وهفضل أحاول أوصل للي حلمت بيه وأوقات بحس إن خطواتي بطيئة، وناقصني حاجة بحاول اعرف هي إيه وأوقات زي دلوقتي عندي إحساس إني بضيع وقت”.
استكمل: “محتاج أخد قرار ومتلخبط أكمل ولا مالوش لازمة ولا ده جري في المكان الغلط؟ طبعا الحمد لله على كل اللي وصلتله بس الحلم أكبر بكتير”.
يذكر أن رامي جمال أهدى أغنيته المقبلة لزوجته ناريمان، موضحا أنه هو من كتب كلماتها، ولم يحدد موعد طرحها بعد.
نشر جمال على حسابه عبر إنستجرام، مقطع من كلمات الأغنية الجديدة يقول فيها: “مفيش ولا ميزه مش فيكي بشوف الدنيا بعنيكي.. اقولك حاجه انا حتي بقيت اقيس الجمال بيكي”، وكتب معلقا: “الغنوه الحب اللي جايه من كلماتي وبهديهالك”.
بدورها، ردت زوجته ناريمان على البوست بتعليق كتبت فيه: “بحبك وربنا يخليك ليا”.
يشار إلى أنه كان قد اعتذر رامي جمال لزوجته، عن التهنئة الساخرة التي كان قد وجهها لها مؤخرا بمناسبة عيد ميلادها.
نشر جمال عبر حسابه الشخصي على موقع “إنستجرام” صورة جمعته بزوجته وعلق عليها كاتبا: “أسف لو اتضايقتي يوم عيد ميلادك مني بشكل مباشر أو غير مباشر، أصابني عدم التوفيق في استخدام كلامك وهزار اعتبروه البعض استهزاء أو إنتقاص من أهم شخص في حياتي رغم إني عارف وواثق في تفكيرك وطبيعة حياتنا اللي بمميزاتها وعيوبها قررت إنها تكون مش للعلن”.
تابع: “الآراء السلبية اللي شفتها واللي انتي شفتيها لمجرد محاولتك إثبات إن كلامي عنك هو أصلا بوست ليكي قبل البوست بتاعي جدعنة منك غير مستغربة للأسف قوبلت بإنك شفتي فعلا كلام من البعض يضايق وبما إننا عايشين مع ناس فأنا بعتذرلك عن اللي حستيه بسبب هزار عارف إنك قابلاه بس من حب ربنا فيكي ومن سوء التوفيق ليا إن الناس شافته إهانه وقررت تدافع عنك من غير كلام كتير أسفلك وأسف للي ضايقهم الموضوع وشكرا جدا ليكي واللي فهموا قصدنا من الأول بس الدرس المستفاد إني غلطت في نشر حياتي للعلن أوعدكم مفيش كلام غير في اللي بشتغل فيه.. بحبك”.
فيما ردت عليه زوجته في التعليقات كاتبة: “مش عارفة بتتأسف عليه وليه وبقولك تاني طريقة هزارك دي مش بتضايقني ولا هزاري معاك بيضايقك ولو بيضايق الناس فخلاص مفيش داعي يشفوه لكن هو ولا غلط ولا حاجة محتاجة أسف بالنسبالي وأنا بحبك زي ما انت ومحبش إن أي حاجة في الدنيا تضايقك”.
كان رامي جمال قد كتب في المنشور الذي هنأها من خلاله بعيد ميلادها الآتي: ”يارب انت عارف إني اتجوزتها وهي عيد ميلادها ذكرى الزلزال والنهارده عيد ميلادك برق ورعد، كده عرفت انا ليه لما غنيت سقف كورونا غزت العالم، الحمد لله إننا مخلفناش؛ لأني واثق إن ابننا كان أكيد هيبقي المسيخ الدجال.. بفكر أطلقك”.