عمرو أديب: عن مباراة الأهلي والزمالك: كانت تقيلة
علق الإعلامي عمرو أديب، على مباراة الأهلي والزمالك، والتي انتهت بـ 5 أهداف للفريق الأول مقابل 3، ضمن منافسات الدوري المصري.
قال “أديب” خلال حلقة مساء الجمعة من برنامج “الحكاية” الذي يقدمه عبر شاشة mbc مصر: “مبروك للنادي الأهلي وهارد لاك للزمالك”.
نرشح لك: بعد فوز الأهلي.. عمرو أديب لـ موسيماني: يوم ليك ويوم عليك
تابع: “خدوها من زملكاوي، الماتش كان تقيل أوي علينا، وللحظات تخيلنا إن المباراة ستتحول إلى شيء بايخ بالنسبة للزمالك، بس اللي عمله الزمالك في الشوط التاني والعودة للمباراة بشكل جزئي وإحراز الـ 3 أهداف، الدنيا بقت أحسن شوية”.
في نفس السياق، وجه عمرو أديب رسالة لبيتسو موسيماني، المدير الفني لفريق الأهلي، قال فيها الآتي: “بشويش شوية يا أبو الكباتن؛ الزمالك مش فريق بسيط ولا فريق صغير، لازم يكون فيه التواضع بتاع الرياضة”.
تابع: “آه الأهلي جاب سكور عالي، آه الأهلي كان أحسن، بس بشويش، الدنيا يوم ليك ويوم عليك، وأنت شوفت السنة اللي فاتت كان عليك قد ايه وكانت ظروفك عامل إزاي”.