الرئيس: أنا عايز الناس تتكلم ويبقى فيه حرية رأي

قال الرئيس عبد الفتاح السيسي، خلال افتتاح مجموعة من مشروعات إسكان بديل المناطق غير الآمنة، “اللي بيتعمل بيتعمل من أموال مصر، من بلدنا، لكن من فضلكم انتبهوا، مصر مساحتها كصحراء أكثر من 90 % من أرضها”.

تابع: “وبتروحوا تبنوا على الأرض اللي هتبقى مصدر رزق لينا، القضية دي قضيتنا كلنا، أنا جاي على الدائري، حجم المباني هائل، وكله غير مخطط صحي، قولوا أي سبب لكن لازم نتوقف عند ده، مش هنقدر نعالج غير بيكم، بفهم المصريين، هتقولي أنا عايز أبني جنب كذا، وغيرك هيقول، هتلاقي الأرض اللي بنزرعها بتروح مننا”.

نرشح لك – وزيرة التضامن: نسعى لتكافؤ الفرص التعليمية بتوجيهات الرئيس

تابع: “بالنسبة للأماكن اللي تعرضت لسيول في قرى الصف، هل الإعلام أتكلم عن تقصير الحكومة، ولا أتكلم بوعي؟ أظن أتكلم على تقصير الحكومة”.

أردف: “أنا عايز الناس تتكلم ويبقى فيه تعبير عن الرأي، بس تبقى فاهمة، يا ترى اللي فات، عيب دولة ولا عيب مواطنين، ولا عيب إحنا الاتنين؟ بكرر كلامي عشان أسجل مواقف على نفسي وعلى الحكومة وعليكم، القضية مش قضية حد بعينه ولوحده، دي قضية دولة، بقول كلامي للمفكرين والمثقفين والإعلاميين، بقول للدكاترة اللي بتدرس علوم الاجتماع، تقريبا نص مساحة مصر معمولة كده، بقول كده للوعي”.