"كنت هموت نفسي".. موقف صعب تعيشه علا رشدي بسبب مهرجان الجونة

محمد عبد المنعم

شاركت الفنانة علا رشدي، الجمهور ما تفعله مع أولادها عند انشغالها هي وزوجها بالتصوير أو السفر، موضحة أنها تخطط لذلك قبلها بفترة طويلة، وتلجأ إلى والدها ووالدتها.

أشارت “رشدي” خلال فيديو عبر حسابها بموقع تبادل الصور والفيديوهات “إنستجرام“، إلى أن الموقف يكون صعبا عندما يكون هناك حدث يجب أن تذهب فيه هي وزوجها معا، مردفة: “أمهات كتير بتسألني بتعملي أيه في ميلا ودوزي لما بتبقي مسافرة أو عندي شغل أو مضطرة أروح مهرجان؛ بسيبهم فين؟”.

نرشح لك: مدير مهرجان”الأردن الدولي للفيلم”: لم نتدخل في عمل لجنة المشاهدة

 

تابعت: ” بقعد أحضر الموضوع ده مثلا شهرين تلاتة قبل السفرية، بالذات أن مهرجان الجونة بيبقى أنا وأحمد، يعني لو حاجة أنا بس ماشي أحمد بيقعد مع العيال، لو حاجة هو بس ماشي أنا بقعد مع العيال، بس لو حاجة مضطرين نروح فيها إحنا الاتنين دي بتبقى أصعب حاجة”.

أضافت: “طبعا أول حاجة بتبقى بابايا ومامتي؛ علشان أحمد أهله ساكنين بعيد فمش هنفع أن هما يبقوا قاعدين عندهم ويرحوا المدرسة ويرجعوا والتمارين والقصص دي، بابايا وماماتي السنة دي قرروا أنهم يسافروا في نفس معاد المهرجان، كنت هموت نفسي”.

أردفت أنه خلال فترة غيابها يتحدث إليها أولادها في الهاتف بشكل مستمر، متابعة: “تليفونات هيستيرية في الفترة اللي أنا مش موجودة فيها في البيت، صبح وليل وفيديوهات، مش بس كده بضطر أعمل ليستات متعددة في كل حاجة بقى، للأكل، والرياضة والتمرين هيروحوا الساعة كام ومين هيوديهم ومين هيجبهم”.

 

 

View this post on Instagram

 

A post shared by Ola Roshdy (@ola.roshdy)

يذكر أن علا رشدي، شاركت مؤخرا في فيلم “ثانية واحدة” بطولة دينا الشربيني ومصطفى خاطر وفتحي عبد الوهاب وسوسن بدر وأحمد الفيشاوي وبيومي فؤاد وشريف دسوقي وأيمن القيسوني وشريف أبو سريع وعزوز عادل، تأليف مصطفى حمدي، وإخراج أكرم فريد.

نصيحة رجاء الجداوي لـ مي كساب