شاشة

هالة زايد: تخفيض سن المطعمين بلقاحات كورونا لأقل من 18 سنة

نورهان عبد الرحمن

صرحت الدكتورة هالة زايد، وزيرة الصحة والسكان، أنه تم توفير أماكن مخصصة لمن لم يستطع التسجيل عن طريق الإنترنت كما تحدثت عن تخفيض سن المطعمين لتحت سن الـ 18 عامًا.

قالت “زايد” خلال مداخلة تليفونية مع برنامج “الحكاية” مع الإعلامي عمرو أديب:”هيبدأ تفعيله من يوم الأحد إحنا زودنا مراكز اللقاحات الأسبوع الماضي من حوالي 650 لـ 859 مركز وطبعاً زي ما حضرتك شوفت نزلنا أتوبيسات بالشوارع تحث الناس على اللقاحات ودي رسائل عشان نحرك الناس ونحثها”.

نرشح لك: مفتي الجمهورية: تنظيم النسل لا يتعارض مع حق الإنسان في الحياة

 

وأضافت: “من شوية في الاجتماع قررنا إن يمكن التسجيل تحدي مش كل الناس عندها إنترنت، عاوزين نساعد الناس على التسجيل، طيب إحنا هنفتح في كل مراكز الشباب اللي في المحافظات إن دي هتبقى مخصوص للي مسجلش”.

أوضحت: “هيخش على اليمين يسجل وعلى الشمال يأخذ اللقاح في نفس الوقت، ابتداء من يوم الأحد القادم وهنا بنشكر وزارة الشباب والرياضة والسادة المحافظين، والـ 850 مركز مخصصين للأشخاص الذين قاموا بالتسجيل مسبقاً”.

أضافت: “إحنا عندنا مفيش حد عاوز لقاح السفر ومأخدوش، مفيش حد طلب لقاح ومبقاش في تردد على 175 مركز بتوع لقاحات أغراض السفر، ممكن المركز في اليوم كله ميعملش غير واحد بس، وبالتالي ده حاجة إيجابية جداً إن إحنا عملناها”.

استكملت: “وحتى الناس اللي أخدت لقاحات سينوفارم أو سينوفاك ورايحة بعض الدول اللي بتقول لأ وعاوزة جرعه تنشيطية أسترزينيكا أو جونسون إدناهم، حتى بقول إن كثير جداً من دول أوروبية زي أسباني والدنمارك وغيرهم أقرت على سينوفاج، وحتى سينوفاج وسينوفارم مصدق عليهم ومقررين من منظمة الصحة العالمية منذ إختراعهم، يعني زى كل اللقاحات الموجودة في السوق، لكن كان بعض الدول بتقول لأ لكن دلوقتي مبقاش عندنا تحدي كل دول العالم دلوقتي بتوافق على كل اللقاحات”.

كما أكدت أن مصر لديها وفرة في اللقاحات، مضيفة: “عندنا إنتاج محلي، عندنا فاكسيرا العجوزة اللي فيها الإنتاج ده من خط واحد دلوقتي أهلنا الخط التاني، يعني خلال من 5 لـ 6 أسابيع على أقصى تقدير هيبقى الإنتاج اليومي من فاكسيرا العجوزة مضاعف هننتج مليون جرعه يومياً من فاكسيرا العجوزة بس”.

أردفت: “ولسه فاكسيرا 6 أكتوبر الصرح العملاق بنتفاوض على التصنيع فيه مع بعض الشركات ف مبقاش فيه عندنا تحدي، اللي عايز يطعم هيتطعم”.

على صعيد آخر، قالت إنه بالنسبة لإمكانية إعطاء لقاح سينوفاج لسن أقل من 18 عام، أكدت الدكتور هالة زايد أنه مسموح، مضيفة :”كل التقارير العالمية واللي عندنا بتقول إن الإصابات اللي بتيجي في السن ده بتكون إصابات بسيطة والإصابات دي نسبة الوفيات فيها قليلة جداً لا تتخطى الـ 1% على أقصى تقدير، يعني إجمالي إصابات مصر والعالم كمان”.

وأوضحت: “عشان كدة هي مش أولوية وزى ما حضرتك ذكرت العالم بعد ما خلص فوق سن ال18 بدأ يعطي لتحت سن ال18 كل ما تذيد عندنا إنتاج اللقاحات كل ما إن شاء الله هنخش بيها لغاية سن 12، وحسب ما نشوف إنهاردة بنقول الكلام ده ومنعرفش بكرة يبقى عندنا نوع من الحماية بطريقة أخرى للأطفال أو للشباب الصغيرين، لكن الجرعة التنشيطية وارد طبعاً؛ لإن إحنا عندنا بردو الناس اللي أخدت في شهر 3 و4 من اللي عندهم أمراض شديدة وصعبة ممكن أبتداء من شهر 11 إذا كان فيه إمكانية إن إحنا نديهم جرعات اضافية أو جرعه تنشيطية بعد زيادة الإنتاج ممكن نعمل الحكاية دي”.

واختتمت الدكتورة هالة زايد حديثها قائلة: “إحنا الحمد لله دولة قوية بقى عندنا تصنيع، بقى معندناش تحدي في اللقاحات، علاقتنا الدولية كبيرة مع كل دول العالم، بشكر كل الدول اللي اشتغلت معانا، ألمانيًا ، فرنسا، الولايات المتحدة الامريكية، بريطانيا، سلوفينيا، رومانيا، اليونان، وعلى رأسهم المبادرة الكبيرة، مباردة الصين”.

مضيفة: “رغم أن الصين أول دولة بادرت، إدانات لقاحات إدتنا مليون ونص جرعه هدية بإلاضافة للاستيراد بإلاضافة للتصنيع، لكن الصين كمان بعتتلنا الأسبوع الماضي 2 مليون جرعه سينوفاج هدية للشعب المصري، وإحنا بنشكر الحكومة الصينية على التضامن الغير مسبوق بين الدول، ده كان نموذج كبير جداً بين الشعوب، وخاصة بين الشعب المصري والصيني وده نتيجة ثمار العلاقات الطيبة جدا بين سيادة الريس والرئيس الصيني”.

محمد جمعة يكشف حصريا لإعلام دوت كوم عن مشروع فني جديد يعيد فيه تقديم شخصية عم ضياء

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock