"مش رهينة".. نيللي كريم تتحدث عن دورها في فيلم "السرب"

نورهان عبد الرحمن
السرب
كشفت الفنانة نيللي كريم، عن تفاصيل فيلم “السرب” والدور الذي قدمته من خلاله.

قالت “كريم” في مداخلة هاتفية مع “ET بالعربي” “إن فيلم السرب فيلم مهم عن ضرب الإرهابيين (الحدث اللي حصل في ليبيا)، مع الفنان أحمد السقا ومحمد ممدوح وصبا مبارك يعني دي من الأفلام المهمة”.

نرشح لك: صور.. أوس أوس يشوق الجمهور لمسلسل “الفرح فرحنا”

وبالحديث عن دورها في “السرب” قالت: “هو كل دور مهم مش عاوزة بس أحرق الفيلم هو لو مكتوب عنه خلي الناس تقرأ المكتوب”.

وعن الأحداث التي تدور حولها القصة، قالت: “الأحداث بتتم في ليبيا وأنا واحدة مصرية ومش رهينة ولا حاجة بس بنجسد الحدث الأليم اللي حصل في ليبيا”، موضحة: “هي فكرة الفيلم مش في دوري هي كل شخصية بتجسد فئة معينة يعني الفيلم صعب من الآخر”.

أمًا بالنسبة للجزء الثاني من مسلسل “بـ 100 وش” قالت: “آخر قرار قررنا نعمله فيلم سينما إن شاء الله وأنا متحمسة جداً الصراحة”، موضحة أن “الفيلم استكمال مبني على نجاح المسلسل ومش عارفة إمتى هنبدأ تصوير ولكن السيناريو ما زلنا شغالين عليه جامد دلوقتي الحقيقة، أعتقد أول ما يخلص الاسكريبت ويبقوا جاهزين هندخل نصور على طول”.

وبالحديث عن السباق الرمضاني القادم كشفت عن استمرار تعاونها مع العدل جروب قائلة: “إن شاء الله بنحضر لحاجة لسه بتتكتب ولسه معنديش تفاصيل أقولها لأن لسه فيه شوية وقت ولسه هنختار السيم اللى عاوزين نعملها السنه دي”.

وفي سياق متصل وافقت “كريم” على فيلم بالتعاون مع العدل جروب قائلة: “أستاذ جمال بمضي معاه وأنا مغمضة لإن أنا عارفة ومتأكدة هنختار نعمل أحسن حاجة لكن النجاح ده بيبقى توفيق من عند ربنا”.

وظهورها كضيفة شرف أوضحت”كريم” أنها شاركت في (وعد الشيطان) “طالعة شخصية شريرة”، مضيفة “أنا الموسم ده واخده (شر) مش عارفة ليه أنا طالعة بردو ضيفة شرف في ( 30 مارس) وفيه وأعتقد أن الفيلم فيه ضيوف شرف كتير يعني وفيلم إثارة وكل شوية في مفاجأة”.

واستطردت: “عندي مسلسل حلو أوي مع المخرج اللي بحبه أوي بيتر ميمي وعملنا قبل كدة (كازابلانكا) الجزء الأول كنت طالعه معاهم ضيفة شرف”.

وأشارت: “الجزء الثاني من (كازابلانكا) طالعة دور أساسي فيلم أكشن”.

وكشفت عن استعدادها العمل مع المخرج بيتر ميمي في مسلسل آخر مكون من 6 حلقات وتدور قصته حول أحداث في المستقبل وما سوف يحدث.

الجدير بالذكر أن فيلم “السرب” من إنتاج “سينرجي”، وتأليف عمر عبد الحليم، وإخراج أحمد نادر جلال وشاركهم فنانين آخرين شريف منير، وهند صبري، وآسر ياسين، وكريم فهمي، ومحمد دياب، وأحمد حاتم، ومحمود عبد المغني.