كلمات أغنية أبلة فاهيتا وسمية الخشاب عن "الرجالة"

فيروز وائل

حلت الفنانة سمية الخشاب ضيفة على برنامج “لايف من الدوبلكس” مع الدمية الشهيرة أبلة فاهيتا، مساء الجمعة على قناة “ON”.

نرشح لك: غرامة 20 ألف جنيه على أحمد سعد بسبب غناء “البلاي باك”

تضمنت الحلقة العديد من الفقرات وتوجيه بعض الأسئلة وغناء دويتو مشترك بين الأبلة وسمية، وجاءت كلمات الأغنية كالتالي:

 

نص الرجالة محتاجة سوفت وير أبديت

عايزين دماغهم تتفرمت ويفوقوا يا ريت

أنا زي زيك يا حمادة برة وفي البيت

ونظام سي السيد ده إنساه واعمله ديليت

ديليت… ديليت

فكرة إن أضعف دي خلصت من زمان

طلعان عينك في الشغل.. ما أنا شقيانة كمان

ولو في يوم هتغلط مانا كمان عندي لسان

أفكارك demode يا حياتي مخك تعبان

هتقولي ضل راجل هقولك انسى يامان

لو أكلي مش عاجبك يلا اطبخ وندوق

وزعيقك مش معناه راجل دي قلة ذوق

لو فاكر إن أنا شغالة عندك لأ اصحى وفوق

مش أد المساواة يبقى انزل أنا بعرف أسوق

ده أنا زيي زيك يا حبيبي مافيش بينا فروق

ولافيش مابينا مين أقوى على إيه محموق

واللي زمان كان حاحة إكسترا دلوقتي حقوق

حقوق… حقوق

نص الرجالة محتاجة سوفت وير أبديت

عايزين دماغهم تتفرمت ويفوقوا ياريت

أنا زيي زيك يا sweety بره وفي البيت

ونظام سي السيد دة إنساه واعمله ديليت

ديليت ديليت

يذكر أن آخر أعمال الفنانة سمية الخشاب مسلسل “موسى” بطولة محمد رمضان، رياض الخولي، هبة مجدي، وسيد رجب وغيرهم، من تأليف ناصر عبدالرحمن، وإخراج محمد سلامة، العمل عُرض في رمضان الماضي 2021.

محمد جمعة يكشف حصريا لإعلام دوت كوم عن مشروع فني جديد يعيد فيه تقديم شخصية عم ضياء