لن يحرك دعوى ضدها.. محامي زوج إيفون نبيل يكشف آخر التطورات

هالة أبو شامة

كشف المستشار جورج فريد، محامي زوج البلوجر إيفون نبيل، عن آخر التطورات بشأن قضية استغاثة البلوجر الشهيرة من زوجها.

قال “فريد” في تصريحات خاصة لـ موقع “إعلام دوت كوم“، إن الزوجة ندمت كثيرا على ما صرحت به في البث المباشر الذي أثار الجدل، لافتا إلى أنها خرجت في مقطع فيديو آخر قالت فيه إنه لو عاد بها الزمن للوراء فإنها لن تكرر ما فعلته.

نرشح لك: طلبت الصدقة والدعاء.. آخر كلمات البلوجر أشكيناز السبكي قبل وفاتها

وأكد على أن الزوج لن يحرك دعوى ضد إيفون نبيل، معلقا: “هو عارف إن الموضوع وسع منها وإنها مش مقهورة ولا حاجة، لأنها قبل ما تطلع في البث بساعتين كانت بتنضف بطة في فيديو”.

وأشار إلى أن الزوج لم يمنعها من تقديم محتوى على موقع التواصل الاجتماعي، إلا أن نوعية ما تقدمه غير مناسب إذ أنها تكشف أسرار منزله وتصور بناته على الملأ وذلك الأمر الذي يرفضه، معلقا: “هو ممنعهاش إنها تقدم محتوى ليه قيمة”.

في نفس السياق، أوضح أن الزوج لم يتصالح معها حتى الآن إلا أنه سيكتفي بعدم تحريك دعوى قضائية ضدها، حفاظا على أسرته وسمعة بناته، مؤكدا على أن ما فعلته إيفون لم يضره فقط وإنما ضر الأسرة بأكملها.

فيما لفت إلى أن الزوج لا يعمل في جهة سيادية كما ادعت البلوجر وإنما يعمل في مجال الأجهزة الطبية، هذا بجانب أنه لم يحبسها كما قالت وإنما سافرت معه في عدة أماكن مؤخرا، معلقا: “طلعت في الفيديو مش مضروبة ولا حاجة، وهي أصلا كل 3 أيام معاه في مكان.. بتقول مقهورة على أي أساس”.

يشار إلى أن إيفون نبيل، كانت قد أثارت حالة من الجدل التعاطف معها بعدما ظهرت في حالة من الذعر خلال بث مباشر عبر حسابها الرسمي على “فيس بوك”، حيث كانت تستغيث من زوجها الذي قام بحبسها وأخذ منها أجهزتها الإلكترونية ويقوم بتهديها.

قالت “نبيل” في البث المباشر: “مساء الخير يا جماعة، دي أول مرة أعمل نوعية من الفيديوهات دي، ما كنتش حابة أطلع أقول الكلام دا، ولا اتكلم بالطريقة دي، لأني طول الوقت بديكم طاقة إيجابية، أنا حاليا محبوسة في بيتي، جوزي أخد مني اللاب توب والموبايل، وخبيت منه الموبايل دا علشان أعرف أطلع منه، غير إنه غير باسوردات معظم الصفحات”.

أضافت: “فيه مشاكل بيني وبين زوجي من سنين، لكني عمري ما طلعت اتكلم عنها، ودائمًا بدي طاقة إيجابية، أنا بواجه تهديدات كتير قوي، وقولت المرة دي أقدر استعين بيكم يمكن الاقي حد ينقذني، مش عارفة أنزل من بيتي، وزوجي طلع آخر حاجة بيسجل مكالمات ما بيني وبينه، هو فيه أمان لحد بيسجل لمراته، أنا مش قادرة أسجل من جوه الصالة الفيديو علشان أولادي”.

تابعت: “أنا حياتي بتنهار بقالي 8 سنين بتهدد، كنت الأول بشتغل في قناة، قالي ما تنزليش ما تشتغليش علشان الأولاد قولت يمكن عنده حق، قعدت سنين ما بشتغلش، في مشاكل، اتحولت لخدامة في البيت، نظفي فوق التكييف، ومش عارفة أيه، وهي دي كل حاجة بعملها في حياتي فقط”.

واصلت: “فكرت في يوم من الأيام أيه ممكن يكون البديل، فقولت هصور فيديوهات في البيت، عمره ما رضي عني، إيه اللي أنتي بتعمليه ده، أنت حاجة عرة، أنت حاجة قليلة، أنت فاشلة كمذيعة، أنا ما كنتش بديكم أنتم الطاقة الإيجابية، أنا كنت بديها لنفسي، وبقيت أقوى بيكم، انتوا سند”.

أردفت: “أنا عاوزة اطلع من البيت وعيالي معايا، أرجوكم بلغوا أي حد مسؤول، لأنه مطلع رقم سفارة يسفرهم، خليهم في حضني، أنا دلوقتي محبوسة في بيتي مش عارفة أخرج منه، ومس معايا حد غير ربنا، أنا أبويا ميت، هو شغال في جهات كبيرة، وعارفة إنهم عمرهم ما هيقفوا معاه في الشر، لكن بتوجه لكل جهة كبيرة، أرجوكم حد ينقذني، أنا آخر حاجة كتبتها قبل الفيديو ادعولي، خلاص مش قادرة، 8 سنين بيهد فيا، بيقولي أنا ست فاشلة بكل المقايس”.

ذكرت: “قرأت عن النرجسية، وعرفت إنه شخص نرجسي، ورحت لدكتور وعرفت إنه عنده مشكلة، مشكلة النرجسية مش بتتحل، هو غير كل حاجة عني، أنقذوني، حياتي بتبوظ، عاوزة اطلع أنا وعيالي، تعبت، شخص بيتلون، هتبقى حياتنا كويسة، لكن يرجع يقول أنتي متخلفة هتعري عيالك، أنتي حاجة بيئة وقليلة، أنتوا شايفين كده؟”.

اختتمت: “شير للايف أرجوكم، أنا ساكنة في الزيتون، والله ما عارفة أعمل إيه، المرة الجاية مش عارفة هيعمل إيه، أنا رافضة الحياة دي تاني، بقالي 8 سنين بتعذب في ذل، كل الناس بتقولي بحبك، وهو أنتي مكروهة، وكل الناس أنتي ناجحة، وهو أنتي فاشلة، ربنا عوضني بالفيديوهات ليكم عن الشغل وأنا قادرة في البيت، لكن ليه عاوز تمنع عني دعم نفسي، يقول لي: دا وهم وفيك وناس ورا شاشات، عاوزة انفصل عنه وابعد، بخلع أو طلاق عاوزة أربي عيالي وبس، عارفة إنه ممكن يشيل اللايف في أي وقت، وربنا يسامحه على اللي بيعملوا فيا، حد يغيثني يا ناس حد ينقذني حقيقي حياتي بتنهار .. أنا مش عارفة اتصرف أنقذوني”.

بتحلم تبقى يوتيوبر أكل ومش عارف تبدأ منين؟ شوف الفيديو ده