أحمد العوضي: عدم حصولي على اللقاح سبب تأخري في السفر لـ ياسمين
نورهان عبد الرحمن
رد الفنان أحمد العوضي على الشائعات التي نشرت عن انفصاله هو وياسمين عبد العزيز، بسبب عدم سفره مع ياسمين لتلقي العلاج، وقال: “أنا وياسمين متعودين على الإشاعات دى كتير وإشاعات انفصالنا وإن فيه مشاكل بتطلع كل يوم”.
تابع”العوضي” في مداخلة هاتفية مع برنامج “كلمة أخيرة” المذاع على شاشة “ON” وتقدمه الإعلامية لميس الحديدي: “وموضوع السفر كان إن سويسرا وقتها بتطلب اللقاح وياسمين كانت واخدة الجرعتين، أنا أخدت جرعة واحدة وكان فاضل الجرعة التانية يوم 20 أغسطس، فكان هتبقى أنانية مني لو قولتلها استني، إحنا هنا مش في موقف الناس هتقول إيه إحنا في موقف إني أنقذ مراتي لازم نتكاتف عشان مراتي تعدي المحنة وأخدت اللقاح يوم 22 ويوم 25 كنت عندها”.
نرشح لك: أحمد العوضي عن مرض ياسمين عبد العزيز: إهمال جسيم فشل في تدارك المضاعفات
كما رد أحمد العوضي على أحد أعضاء نقابة الأطباء الذي برر ما تعرضت له ياسمين عبد العزيز، ودافع عن الطبيب المعالج لها.
قال: “الأستاذ المحترم من نقابة الأطباء بيدافع طب أنت مخدتش موقف تجاه الطبيب اللى طلع وقال التاريخ المرضي كله لياسمين”.
استكمل: “إنك تطلع التاريخ المرضي لمريضة ليست مريضتك ده حصل بناءً على إيه فين شرف المهنة اللى أقسمت عليه؟! أنا بتكلم أخلاقيا ومهنيا مينفعش، مش عشان تدافع عن حد وتقول أستاذ الأجيال لا أستاذ الأجيال كان هيموتها”.
أوضح أن سبب تدهور حالتها الصحية هو الإهمال الجسيم من الطبيب المعالج لها موضحا: “كانت داخلة يوم 11 يوليو تعمل عملية متعارف عليها عملية نسائية وبعدين المفروض أن الطبيب المعالج قال إنها هتطلع كمان 3 أو 4 أيام بالكتير وحصل تدهور لحالتها بعد العملية ولازم أذكر الجانب الجيد والجانب السيء، مش هقدر أقول إنه خطأ طبي بدون إثباتات قوية لكن اللى حصل إهمال جسيم في متابعة الحالة”.
أشار إلى أنها كانت تشعر بالألم لمدة 4 أيام، قائلا: “قعدت 4 أيام تتأوه وتقول أنا بموت ولما كلمنا الدكتور قال إن ده طبيعي وبيحصل لـ 15% للمرضى اللي أجروا العملية، إنك متابعش حالتها وتكلمك تقولك أنا بموت وتقولها أنا في إجازة وتضحك وتقولها اتعشي واتمشي هو ده كلام؟! ولما أكلمك أنت تقولي أنا في إجازة متخفش أوي كده ويضحك، إحنا هنهزر أنت بتضحك معايا في التليفون ومراتي بقولك وشها أزرق”.
ذكر أن المشكلة لم تكن في حدوث المضاعفات حيث إن من الوارد حدوثها لكن المشكلة الأساسية كانت عدم تدارك المضاعفات في الوقت المناسب وهو ما أكده الأطباء المتابعين لحالتها بسويسرا، وطمأن الجمهور على حالة ياسمين، قائلا: “ياسمين كويسة الحمد لله وتعافت تمامًا، يعني خلاص مجرد يومين نقاهة وهنرجع مصر وسط جمهورها وستعود لحياتها الطبيعية”.