كلمات أغنية "انتوا كده كلكوا" لـ محمد أنور ويسرا الجندي
طرح الفنان محمد أنور، عبر قناته على “يوتيوب”، كليب لأغنية جديدة بعنوان “انتوا كده كلكوا” بمشاركة المطربة يسرا الجندي.
الأغنية من كلمات وتوزيع يسرا الجندي، وألحان أحمد وحيد، والكليب من إخراج أحمد عبد الوهاب.
نرشح لك: 5 فنانين شاركوا في كليب “انتوا كده كلكوا” لمحمد أنور ويسرا الجندي
جاءت كلمات الأغنية كالتالي:
انتوا كده كلكوا
قالت نازلة ومن ساعتها
لطعاني تحت بيتها
كلمتها كنسلتني
فزمرت نرفزتني
بكره طريقتها بتخليني مش طايقها
بتنسينى إني حبيبها فكرت في لحظة أسيبها
وأخيرا ظهرت ياختي حلوة ماشية براحتها
أه أه منكوا أه
هاي يا حبيبي عامل ايه
معلش لو اتأخرت عليك
باصص قدامك ساكت ليه ؟
إيه المعاملة الوحشه دي
انتوا كده كلكوا
مخكوا صعب زيكوا
بتخلونا نحبكوا
وبعدين نتجنن منكوا
انتوا اللي كده كلكوا
ومش قادرين تستوعبوا
ان انتو دايما تبدأوا
المشاكل و تشتكوا
أنا اللي قافشه علي فكره مش انت
انت استنيت دقيقتين اوك وبعدين مانا دايما مستنية
تخلص بس مع أصحابك وتلاقي وقت ليه
نفسي تفكر فيا
انتي صعبتي عليه
ياحرام دانتي طلعتي ضحية
يعني انتي ملاك ياعنيا واحنا وحوش برية
ودنك دي مش زينه ما تسمع بيها وافهم اللي فيها
ده أساس اللي مخلينا نتخانق مع بعضينا
مانتي دو دو رغي رغي ليل نهار
شكوي ونكد بوز وهم وغم وقمص في أي حوار
نكد!
عارف مين السبب؟
انتي السبب
لا انت السبب
لا انتي السبب
لا انت السبب
وانت خلقك ضيق
وانتى عنادية
طب اهدى شويه
اهدي انتي عليا
صنف صعب كلكوا زي بعض
انتوا كده كلكوا
مخكوا صعب زيكوا
بتخلونا نحبكوا
وبعدين نتجنن منكوا
انتوا اللي كده كلكوا
ومش قادرين تستوعبوا
ان انتو دايما تبدأو
المشاكل و تشتكوا
يشار إلى أن محمد أنور، قام مؤخرًا ببطولته مسلسل “إسعاف يونس”.
يذكر أن مسلسل “إسعاف يونس” من بطولة محمد أنور وسارة سلامة ومنة عرفة ومحمد علي رزق وإيمان السيد وأحمد محارب، ومن تأليف فاروق هاشم ومصطفى عمر، وكتابة أحمد محارب وخليفة سمير وأحمد فوزي، ومن إخراج معتز التوني، ويعرض على منصة WATCH iT.
من محمد صلاح لهنيدي والسقا.. غرائب وطرائف فوبيا المشاهير.. مانجا وحشرات وشموع!
