استغل اسمها.. شيرين عبد الوهاب تنفي علاقتها بحفل مزيف

شاركت الفنانة شيرين عبد الوهاب، الجمهور بتدوينة نفت من خلالها إحيائها حفلا غنائيا في جامعة بدر، بالقاهرة.

نشرت “عبد الوهاب” عبر حسابها الشخصي على موقع “تويتر” نص الإعلان المزيف للحفل، وعلقت عليه كاتبة: “لا علاقة للفنانة شيرين عبد الوهاب، بهذا الحفل الذي يستغل اسمها واسم المبادرة في الدعاية الوهمية للحصول على مكاسب مادية، وسوف يتم اتخاذ الإجراءات القانونية تجاه المسئولين”.

نرشح لك: شيرين عبد الوهاب تبكي مع عمرو أديب

تابعت: ” ووجب التنبيه على أن أي حفل للفنانة شيرين يتم الإعلان عنه على منصاتها الرسمية للسوشيال ميديا”.

يشار إلى أن شيرين عبد الوهاب، كان قد ردت على التسجيل الصوتي المنسوب لوالد زوجها، والذي أثار جدل كبير مؤخرا، قائلة: “عايزة اطمن كل الناس اللي بتحبني، كل الناس الكويسين، إن أنا بخير، مفيش أي نوع من أنواع الخطر عليا أو على حياتي، بالنسبة للي حصل واحتاج إن أنا أرد عليه، مش هينفع ارد عليه في كلمتين”.

تابعت: “اسمحولي إن أنا أقولكم إن حسام جوزي اللي أنا معشراه، ده إنسان من أنضف رجال الدنيا، وإنسان محترم ومتربي وبيحبني أكتر من نفسه وميستاهلش أبدا أبدا منكم كم القسوة ده بس أنا مدياكوا العذر علشان أنتوا متعرفهوش، بس عايزة اقولكوا إن الراجل اللي ربنا حاطه في طريقي في الوقت ده، في وقت أنا كنت فيه متكسرة ومتدمرة هو بنى لي شخصيتي وخلاني بقيت بعرف اتكلم ورجع لنفسي تاني الثقة، حسام ربنا هو اللي بعتهولي، فربنا مبيعمليش حاجة وحشة”.

استكملت: “حسام بيحبنا أكتر من نفسه أنا وبناتي، ده دليل إنه من ساعة ما اتجوزني ماستفدش اي حاجة ومعملش لنفسه أي حاجة، وهو بس عايش علشان يخاف عليا وعلى عيالي من كل شيء، وبالنسبة لحاجات كتيرة مش المفروض أرد عليها لكن أنا عايزة أقول كمان إن الست حماتي اللي ربت راجل أخلاقه عاملة كده لازم تكون ست عظيمة، فحسام إنسان عظيم وأمه ست عظيمة ويتمنى منكم إن انتو تدعولنا بالذرية الصالحة وبقولكم مفيش أي حاجة من دي خالص حسام إنسان نقي ونضيف وربنا هو اللي بعتهولي”.

تويتر جامعة بدر حسام حبيب حفل مزيف رئيسية شيرين عبد الوهاب شيرين عبد الوهاب تنفي علاقتها بحفل مزيف