نرمين الفقي عن عمليات التجميل: معملتش غير حواجبي
أكدت الفنانة نرمين الفقي، أنها لم تجر أي عمليات تجميل، وقالت: “هي حواجبي بس كانت تقيلة زمان”.
أوضحت “الفقي” خلال لقائها مع برنامج “كلمة أخيرة” المذاع على شاشة ON، وتقدمه الإعلامية لميس الحديدي، أنها ليست ضد عمليات التجميل، ولكنها ضد المبالغة.
نرشح لك: نرمين الفقي: عمري ما حبيت في حياتي
تابعت: “قورتي كمان بقوا يقولولي فيها تجاعيد، يقولوا اللي هما عايزنه، وإحنا بنمثل لو أنا وشي متحجر، همثل إزاي؟ لكن فيه حاجات تجميلية بتبقى فعلا مهمة، ممكن لو واحدة حصلها حادثة، لو حد فعلا مناخيره عاملة ديفو مثلا، فيه حاجات بتستدعي التجميل”.
استكملت: “لكن المبالغة وإحنا كلنا نبقى شبه بعض، حتى الرجل دلوقتي مبقاش حابب الست الـ fake، أحلى حاجة الطبيعية وإن الواحد يرضى باللي ربنا كتبهوله”.
أردفت: “ممكن اشوف واحدة حلوة وكيوت جدا، والاقيها عملت حاجة، أبقى زعلانة، الواحد بيبقى زعلان إنها حلوة قوي وأمورة وكيوت وشكلها يتغير يبقى مش حلو”.