إيمان السيد: "ياسمين عبد العزيز واضحة ومش بوشين"

وجهت الفنانة إيمان السيد رسالة دعم، عبرت فيها عن حبها للفنانة ياسمين عبد العزيز، التي استمرت علاقتهما ببعض لمدة 14 عاما.

كتبت عبر صفحتها الشخصية بموقع التواصل الاجتماعي “في حب ياسمين عبد العزيز.. مش هبالغ لو قلت إن ياسمين من أجدع الشخصيات اللي قابلتها، أنا معرفتي بيها داخلة على حوالي 14 سنة دلوقتي (فترة طويلة اتغير فيها ناس كتير، وناس أكتر كانوا قريبين ومابقوش موجودين) وياسمين عمرها ما اتغيرت، طول عمرها جدعة وبنت ناس ومحترمة وبتفهم في الأصول، بتحب شغلها وبتحب كل الناس اللي معاها يطلعوا بأحسن صورة”.

نرشح لك:علا غانم: ندمانة على فيلم “أحاسيس” وكنت مجبرة

تابعت: “وزي ما خالد الصاوي قال (وبضم صوتي لصوته): ياسمين عبد العزيز واضحة وصريحة ومش بوشين وما بتجاملش ودا أريح للناس كلها، حقيقي التعامل مع إنسانة زي ياسمين مريح، خاصة لما تكون أنت كمان إنسان دوغري ومش منافق ومالكش في اللوع”.

اختتمت: “ياسمين عمرها ما اتغيرت معايا في عز ما كان فيه ناس كنت فاكراهم قريبين مني وكانوا يقولولها: ما كفاية إيمان السيد بقى (وحتى دا عرفته من بره مش منها لإن طول معرفتي بيها عمرها ما قالت لي ولا قالت قدامي حاجة تضايقني)، ربنا يكرمها ويرزقها كل خير”.

يشار إلى أن إيمان السيد وياسمين عبد العزيز، تعاونا رمضان الماضي في مسلسل “اللي مالوش كبير” بطولتهما وأحمد العوضي وخالد الصاوي ومحمود حافظ، دنيا عبد العزيز، أحمد عبد الله محمود، أحمد سعيد عبد الغني، بدرية طلبة، عايدة رياض، وعدد كبير من نجوم الشباب، وتأليف عمرو محمود ياسين وإخراج مصطفى فكري، وإنتاج شركة سينرجي.

المسلسل اجتماعي تشويقي وأكشن في نفس الوقت، ويعد ثاني تعاون بين الفنانة ياسمين عبد العزيز وزوجها الفنان أحمد العوضي، فقد تعاونا قبل في مسلسل “لآخر نفس”، وهذا أول تعاون بعد زواجهما.