رضوى الشربيني ترد على اتهام ترويجها لتبرج الفتيات

ردت الإعلامية رضوى الشربيني على تعليق أحد المتابعين، الذي اتهمها بالترويج لتبرج الفتيات.

حيث كتب المتابع في تعليقه على صفحتها الرسمية على موقع التواصل الاجتماعي فيسبوك: “أنتي قاعدة يا رضوى ترخصي للبنت التبرج والتزين وده برضو من الدين”.

نرشح لك: 7 نصائح من رضوى الشربيني لكل سيدة تشعر بالوحدة

تابع: “وربنا قال وقرن في بيوتكن ولا تبرجن تبرج الجاهلية الأولى، أنتي بتتكلمي في إيه، فين الحياء والقيم والأخلاق”.

ردت “الشربيني” في تعليق أيضا: “في أساس التربية من النشأة يا فندم وعدم العنف في التربية والمساواة بين الإخوة، فكل راع مسئول عن رعيته”.

أضافت: “الأب راعي ومسئول عن رعيته والأم راعية ومسئولة عن رعيتها، أنا لا أرخص لشئ ولكن أعطي كل ذي حق حقه”.

جاء ذلك تعليقا مقطع فيديو من برنامجها “هي وبس” المذاع على شاشة cbc سفرة، ناقشت خلاله رضوى الشربيني قضية ضرب الأخ لأخته، وقالت: “مين اللي اداك الرخصة؟ هل ربنا سبحانه وتعالى لما خلقها وخلقك اداك الرخصة إنك تعنفها، كل الناس محرمة دوليا إنها تضرب، قانونا ممنوع إنك تمد أيدك عليها، يبقى حضرتك بتعمل حاجة ضد القانون وضد الدين، فالرخصة دي، مش يا بتتاخد مجتمعيا كدولة من قانون، يا اما بتاخد من دين ربنا، فلا الدين ولا القانون بيقبلوا ده، فحضرتك جبت الرخصة دي منين؟”.

رد عليها أحد الضيوف: “أنتي بتقولي دينيا مفيش كده، طيب برضو ما هو ربنا بيقول وقرن في بيوتكن ولا تبرجن تبرج الجاهلية الأولى”.