نور النبوي يكشف تفاصيل تجسيده لـ أحمد شوشة في "الاختيار 2"
كشف الفنان نور خالد النبوي عن كيفية استعداده لتجسيد شخصية الشهيد أحمد شوشة في مسلسل “الاختيار 2” في رمضان الماضي.
قال “النبوي” خلال لقائه مع “ET بالعربي” إنه شاهد مقاطع فيديو لأحمد شوشة على اليوتيوب، مضيفا: “فضلت اتفرج عليه واشوف صحابه بيقولوا عليه إيه بعد مات، اشوف أهله والسيناريو واشوفه من خلال السيناريو، يعني عرفته”.
نرشح لك: عابد عناني يكشف تفاصيل مشاركته في “الاختيار 2”
تابع: “دي كانت أهم حاجة لأنه حد حقيقي وكان موجود وعايش والناس تعرفه، فأنا كان لازم أعرفه، محصلش تواصل مباشر مع أهله قبل التصوير، أنا كلمتهم بعد، أستاذ حافظ شوشة اتكلم عليا في برنامج فكلمته، هو قالي أنا حاسس إن أنا شايف ابني، ودي مش ريحتني دي اللي خلتني مبسوط لأن ده اللي كان قالقني، أنا كنت خايف والده وصحابه يقولوا ده مش أحمد شوشة”.
أردف: “أنا اسمي نور النبوي، بروح الأوديشن اتقبلت علشان أدائي كده كده هتعرف إني ابن خالد النبوي، لكن ليه اروح أقول أنا ابن فلان؟ هما كانوا طالبين ناس كتير في الاختيار، روحت عملت اوديشن وقبلوني، ودكتور بيتر كلمني قالي الدور بتاعك”.
يشار إلى أن مسلسل “الاختيار 2” من تأليف هاني سرحان وإخراج بيتر ميمي وإنتاج شركة سينرجي وبطولة كريم عبد العزيز وأحمد مكي وإياد نصار وإنجي المقدم وأسماء أبو اليزيد ومحمد علاء وإسلام جمال وأحمد شاكر عبد اللطيف ورياض الخولي وبشرى.