شاشة

بعد وصفها له بالعدو.. رد حسن شاكوش على ريهام سعيد

رد مطرب المهرجانات حسن شاكوش على ما قالته الإعلامية ريهام سعيد ووصفها له بأنه عدو لها خلال برنامج “شيخ الحارة والجريئة”.

علق “شاكوش” عبر مقطع فيديو على حسابه على الشخصي على موقع التواصل الاجتماعي فيسبوك، أن ما ذكرته ريهام في البرنامج عن رفضه الغناء في حفل تخرج ابنها وطلبه أموالا كثيرة، وقال: “في الصيف اللي فات أنا كنت في الساحل الشمالي وهي طلبتني أني أروح احضر الحفلة وأكون موجود مع أولادها وأصحابهم، أنا كنت في الفترة دي في مشاكل مع النقابة ومكنش ينفع أني اشتغل وأنزل حفلات، لأن أنا كنت موقوف عن الشغل ومكنتش شغال أصلا”.

نرشح لك: نجلاء بدر: بطولتي الفردية في الوقت الحالي “هتبقى خسارة”

أضاف: “الأستاذة ريهام طلبتني علشان اروح الحفلة وقولتلها أني في مشاكل في النقابة ومينفعش اشتغل وإني محترم قرار النقابة، وقالت لي يا حسن ملكش دعوة”.

تابع: “طلبت منها إن ميبقاش فيه أي دعاية وقالت لي أنت هتيجي تقعد شوية والأغنيتين بتوعك هيشتغلوا وأنت تاخد كام صورة معاهم وتمشي، قولتلها ماشي طالما مفيش دعاية”.

استكمل: “هي قالت إني طلبت منها فلوس عالية جدا، أنا كنت هناك واللي طلبته منها 30 أو 25 ألف جنيه، وقالت لي يا حسن هتاخد 30 ألف وأنت هتيجي ربع ساعة؟ وقولت لها شوفي اللي أنتي عايزاه وأنا تحت أمرك، المهم قالتلي هديك 10 آلاف جنيه، قولتلها لديهم للناس اللي شغالة معايا”.

أوضح أنها قالت إنه لم يذهب، ولكنه ذهب لمكان الحفل ووجد الطريق مزدحم ومتوقف واكتشف أنهم قاموا بعمل دعاية، مضيفا أنه فوجىء أن الأمن رافض دخوله حتى لا تحدث مشكلة بالمكان، ثم جاء ابنها وأدخله من بوابة أخرى، قائلا: “هي قالتلي إن المكان فيه 15 أو 20 شخص، لكن لقيت في حوالي 300 شخص”، مضيفا أنه اتصل بها وأخبرها أنه لن يتمكن من دخول الحفل ولكنها لم تجيب.

أردف: “علشان هي قالت أنا اتصلت بمدير أعماله وقالي إنه مابيمشيش على رجله، أومال بمشي إزاي؟ بطير، بعد كده اتصلت بيا قالت لي أنت مشيت؟ قولت لها أيوة انتي كده هتسببي لي مشاكل، قالت لي ملكش دعوة مفيش حاجة هتحصل لك، قولت لها أنتي مش أدرى مني وأنا كنت محترم قرار النقابة، وقولت لها مش هينفع إن أنا ارجع، قالت لي أنا راجعة التلفزيون شهر ٧ اللي جاي”.

اختتم: “بعدين قالت لي أنت بتتكلم معايا بالطريقة دي؟ قولت لها أنا بتكلم معاكي بكل احترام، وعملت لي بلوك رحت أنا عامل بلوك، أنا بقى لما روحت شفت حاجات مش هينفع اتكلم فيها ولا أحكي عنها حاجة، وأنا مخدتش منها ولا جنيه”.

ذكر أنه بعد ذلك اتصل إعداد برنامجها به ليظهر معها في البرنامج، وتساءل: “هو انتي عايزاني اطلع معاكي في البرنامج ليه إلا لو أنتي عارفة إن أنا هضيف لك في البرنامج، عايزة عدوك يطلع معاكي ليه في برنامج، دي أول حاجة رفضتها، وبعدين جاتلي من الحالة الإنسانية، الناس اللي معاها قالوا لي فيه طفلين بيحبوك وعايزين يشوفوك، ووافقت، هي جايالي من الحالة الإنسانية اللي بتطلع تقول بنعمل خير ومبنعملش خير، قولتله رتب معاد وكلمني، وقالي أستاذة ريهام سعيد هتكون معاك، هي حالة إنسانية وحلقة”.

اختتم: “يا أستاذة ريهام لو انتي عايزة تبقي تريند، متبقيش تريند على قفانا، أنا حبيت أوضح للناس علشان اعرفهم مين اللي صادق ومين الكداب”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock