أديب عن تصادم قطاري سوهاج: "في حد غلطان لازم يتجاب"

علق الإعلامي عمرو أديب، على واقعة السفينة الجانحة منذ يومين بقناة السويس، قائلا: “عايز ناخد نفس بسيط، ونقدر نبص للبلد ونقدر نحل”.

تابع “أديب” خلال تقديمه برنامج “الحكاية”، مساء الجمعة، عبر قناة “MBC مصر”: “لأن إحنا معندناش حاجة غير الحل، لازم نشوف المركب دي هتطلع ازاي، جايز مع المد والتكريك تمشي قولوا يا رب”.

نرشح لك: بسبب السفينة الجانحة وقطاري سوهاج.. عمرو أديب: اللي اتصالحوا معانا بيسخنوا علينا

أشار إلى ضرورة توضيح الموقف من قبل الجهات الرسمية من قناة السويس، متابعا: “وفي موضوع القطارات لازم نعرف إيه اللي حصل وتتحل ازاي، ولازم يطلع وزير النقل ويتكلم ويقول عندي مشكلة، مش معندناش مشكلة لأ عندنا”، متابعا: “عندنا مشكلة وحد غلطان لازم يتجاب، الحد دا مين معرفش، ربنا كريم وتقدروا تفهموا اللي بيحصل حواليكم”.

أضاف: “أهم حاجة الخساير، خسايرك من الناس اللي ماتت في القطر وخسايرك من السفينة اللي وقفت في قناة السويس، وألحق المصيبة سيبكم من الخناق، في حريقة في البيت عايزة تتطفى الأول متولعوش في بعض، طفوا الحريقة الأول، حركوا المركب واعرفوا مين كان السبب في القطر وبعدين نبقى نتكلم، إحنا بنحب نتكلم ثم نتكلم ثم نتكلم”.