شاشة

عمرو أديب: ربنا نجاني بأعجوبة”

علق الإعلامي عمرو أديب، على نجاته من الحادث الذي تعرض له الثلاثاء الماضي، وتوقف على إثره برنامجه لأسبوع.

قال “أديب” خلال تقديمه برنامج “الحكاية”، مساء الجمعة، المذاع عبر شاشة “MBC مصر”: “عندي حالة سعادة غير طبيعية إن ربنا نجاني بأعجوبة، مش عايز أدخل في تفاصيل أنا نفسي مش مصدق الحمد لله”.

نرشح لك: عمرو أديب يشكر الرئيس السيسي وهؤلاء المسؤولين للاطمئنان عليه

تابع: “السعادة اللي عندي بسبب الناس سواء البلد دي أو البلاد اللي حوالينا، أجمل ممن أنا متخيل كتير، الناس كانت سبب كبير في أني أتحسن كل يوم، الناس كانت كويسة قوي معايا، الناس كانت عاملة ليا حالة من حالات البهجة في كل الأماكن”، مضيفا: “أنا كان بيبعتلي ناس كانوا معايا في المدرسة”.

أردف: “البلد دي عظيمة وناسها جميلة، وأخواتي في العالم العربي اللي كانوا يعرفوني من زمان قبل ما الناس تعرفني في مصر، وقفوا معايا وقفة غير طبيعية”، مردفا: “كل شيء حصلي كان جميل جدا ومفرح جدا، ولا أستطيع غير إن أنا أسجد لله شاكرا على نعمة الحنية والطبطبة والأخلاق، يعني دين في رقبتي”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock