خبر

شادي خفاجة: “بفكركم بيا.. بقالي 10 سنين مشتغلتش”

تحدث الفنان شادي خفاجة، عن فترة غيابه عن التمثيل، موضحا أنه لم يُرض عليه أي عمل خلال الـ10 سنوات الماضية، لذلك فهو يُذكر المخرجين والإنتاج به.

كتب “خفاجة” عبر حسابه على موقع التواصل الاجتماعي “فيس بوك”: “أصدقائي وأخواتي المخرجين ومساعدين الإخراج والإنتاج، أخوكم بقاله 10 سنين كاملين ماشتغلتش في أي عمل فني تحديدا من 2011 ، ولا تم ترشيحي من قِبَّل أي حد من أصدقائي، على الرغم من أني كل سنة اتصل ببعض المخرجين ومساعدين الإخراج أصدقائي اللي على تواصل دائم معاهم علشان أفكرهم بيا”.

نرشح لك: لبنى عبد العزيز: “لولا السيسي كان زمانا في مخيمات ننتظر اللبن”

تابع: “بيكون الرد ديما إن أنا ممثل شاطر جدا ومش محتاج تفكرنا بيك إحنا فاكرينك دايما وبنجيب سيرتك بكل خير بس مافيش حاجة مناسبة ليك، مع إني ممثل وأقدر أعمل أي دور يطلب مني سواء صعيدي أو مودرن أو كوميدي أو شعبي أو ظابط.. إلخ”.

أردف: “وبالنسبة لسني ماهواش معضلة أنا سني دلوقتي 33 سنة يعني أغلب الممثلين والنجوم حاليا في نفس العمر ده تقريبا. أنا مش بلوم حد أنا عارف أنهم بيحبوني وعارف أنهم مش هيتأخروا لو شافوا حاجة مناسبة ليا، بس أنا حبيت أفكركم بيا وأفكر أصحابي اللي بيحبوني وفاكرين ليا حاجة كويسة معاهم زمان”.

اختتم: “أغلب المقربين ليا هيتصلوا بيا حالا ويقولولي امسح البوست ده وماينفعش تكتب كده، بس أنا شايف إني عاوز أكتب ده من زمان ومتأكد إن في ناس صحابي كانوا ناسيني ومحتاجين بس حاجة تفكرهم بيا، ويمكن البوست ده لو انتشر ربنا يكرم والاقي فرصة كويسة ومش عيب أبدا إن الناس تساعد بعض على النجاح والشغل، ويا بخت من ربنا جعله سبب لتوزيع أرزاق الناس”.

يذكر أن آخر مشاركات شادي خفاجة الدرامية، كان مسلسل “الشوارع الخلفية” عام 2011، مع ليلى علوي وجمال سليمان وسامي العدل وجيهان فاضل ومحمود الجندي، تأليف عبد الرحمن الشرقاوي، سيناريو وحوار مدحت العدل، إخراج جمال عبد الحميد.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock