كلمات أغنية "احكيلك" لـ محمد فؤاد
طرح الفنان محمد فؤاد، أغنية جديدة بعنوان “احكيلك” عبر قناته الرسمية على موقع يوتيوب.
أغنية “احكيلك” من كلمات أسامة محرز، ألحان وليد سعد، توزيع خالد نبيل.
نرشح لك: اسمع.. أغنية “احكيلك” لـ محمد فؤاد
وجاءت كلمات الأغنية كالآتي:
احكيلك عنها أقولك إيه غير إنها هي
اللي أنا حبيتها.. وحبها سر وعايش فيا
مكنتش بتحكي ومطمنه في الكون غير ليا
كانت تحكيلي عن حب جديد بسهولة كدا عادي
وأبقى هموت هتجنن منها وأعمل فيها هادي
بتعذب من يوم ما عرفتها.. ودا حالي يوماتي
عايش أيامي كإني وحيد.. وبجد عانيت
والناس بتلومني.. العمر بيجري.. وليه خبيت
طول عمري بخاف مـ اليوم دا لا يجي.. وأبعد وأنساها
جربت أنساها بغيرها وقول كان ماضي وفات
توحشني..اروحي أتمنى أشوفها لو في سكات
أرجع وأصارح نفسي وأقولي – لأ – خلينا اخوات
احكيلك عنها أقولك إيه غير إنها عمري
عمري اللي أنا عشته وبحلم بيه
ومغلوب على أمري أيام بليالي ما شوفتش نوم
ولا جه يوم زارني
أصعب إحساس لما بكون ناوي خلاص هصارحها
أرجع في كلامي وأقول – لو قولت – اكيد هخسرها
ما هو لو بان حاجة في عينيها كان قلبي أكيد فسرها
عايش أيامي كإني وحيد.. وبجد عانيت
والناس بتلومني..العمر بيجري.. وليه خبيت
طول عمري بخاف مـ اليوم دا لا يجي.. وأبعد وأنساها
جربت أنساها بغيرها و قول كان ماضي وفات
توحشني.. اروحي اتمنى أشوفها لو في سكات
أرجع وأصارح نفسي وأقولي – لأ – خلينا اخوات
يذكر أن محمد فؤاد طرح مؤخرًا أغنية “الحفلة” من كلمات الدبل زوكش، وألحان علاء فيفتي، وتوزيع كولبكس بوي.