مجدي الهواري يستعيد ذكريات "عبود على الحدود"
شارك المخرج مجدي الهواري، الجمهور بصورة استعاد من خلالها ذكريات فيلم “عبود على الحدود”.
نشر “الهواري” الصورة عبر حسابه الشخصي على موقع “إنستجرام” وعلق عليها كاتبًا: “لدي والحمد لله إلى الآن 27 طفل بين الإنتاج والإخراج عبود علي الحدود، هو الطفل المدلل والأقرب إلى القلب لأنه الفيلم الأول”.
نرشح لك:ريم مصطفى تنفي انضمامها لـ “فارس بلا جواز”
تابع: “من المواقف اللذيذة واللي فيها كمان كريزة ضحك افتكر يوم التصوير في مدرسة الصاعقة وأثناء مشهد مركز التدريب كان المفروض شريف عرفة، يشوف تدريبات الصاعقة على طول وإن الباص ده مجرد يوصلنا للساحة علشان نبدأ التصوير بعد ما علاء ولي الدين، رحمة الله عليه، قال أعلى إيفيه لما شاف رجال الصاعقة وهما بيتدربوا، طبعا كلنا ضحكنا وقررنا ناخد المشهد من أول لحظة الوصول وليس من بداية التدريبات”.
أضاف: “مين فاكر الإيفيه ده!؟ اللي كان لازم أحمد حلمي وكريم عبد العزيز، يمسكوا نفسهم لأن المشهد ده مينفعش يتعاد لأننا لازم نعيد كل تدريبات الصاعقة وده شيء مستحيل، وكنا بدل ما نقول ستاند باي كنا بنقول وقف ضحك، ايه اللي قاله عبود في المشهد ده أول ما شاف تدريبات مدرسة الصاعقة !؟”.
اختتم: “كمان هقولكم علي سبب بعض إيفيهات الفيلم وإزاي جت، والموقف اللي حافظ يكتبلي”.
View this post on Instagram