عمرو أديب عن خالد يوسف: "جزء من نسيج 30 يونيو"

قال عمرو أديب، إن بعض الأشخاص يختلفون على بعض السياسات في إدارة البلاد، ويكون هناك معارضة وخلاف، وقد يتطور الخلاف إلى مشكلة بين عدد من الأشخاص.

أشار “أديب” خلال تقديمه برنامج “الحكاية”، مساء السبت، المذاع عبر شاشة “MBC مصر”، إلى أن ذلك الأمر حدث مع المخرج خالد يوسف، وسافر على إثره إلى فرنسا، مردفا: “خالد يوسف من الناس اللي كانوا معانا، دا الراجل اللي صور 30 يونيو”.

نرشح لك:عمرو أديب: “ساحة خالد يوسف قانونيا بيضاء”

أردف: “خالد يوسف هو اللي كان في الطيارة وصور 30 يونيو، ودا راجل جوا الثورة وفي نسيج الثورة، ووقف جمب 30 يونيو والبلد وتحدى الإخوان وكان معانا، وأنا مبقولش أني عملت دور عمري ما قولت الكلام دا، المصريون كلهم عملوا دور في 30 يونيو عشان يخلصوا من عصابة الإخوان وكان منهم خالد يوسف”.

لفت إلى أن خالد يوسف ظل بعدها على القوائم المطلوبة وتعرض لهجوم، مردفا: “لما خالد يوسف دخل مجلس النواب بقى في تكتل المعارضة 20/30، وهي معارضة محترمة تختلف أو تتفق معاها دي ناس بتعارض من جوا البلد، ودي معارضة وطنية لا بتقبض ولا شغالة مع مخابرات، وبتكابد ما تكابده المعارضة لأن دايما المعارضة بتقابل مشاكل، وأنك تكون معارضة دا له تمن، وخالد كان مترأس مجموعة من الشباب المعارضين”.

أشار إلى أن “يوسف” ترك البلاد بسبب الخلافات، متابعا: “اللي يعرف خالد يوسف كويس هيعرف أنه بيموت في تراب البلد، خالد يوسف وطني وعاشق للبلد، وتم اختباره أن الوقت اللي كان قاعد فيه برا لا قرر يعمل جبهة ولا يتاجر بأنه معارض في الخارج، لأنه راجل بيحب بلدهوهو جزء من نسيج ثورة 30 يونيو”.

واصل: “بقول لخالد يوسف عودتك لمصر هتكون دليل واضح على أننا نستوعب الجميع، الجميع مين عشان محدش يقول عمرو أديب عايز يرجع الناس اللي برا، أنا لا بمهد ولا حاجة، اللي إيده مفيهاش دم ولا تحريض أهلا بيك في مصر، وفي هنا قانون يقولنا عليك قضايا ولا لا”.

أكد أن من نرحب بعودتهم إلى مصر، هم من خرجوا خارج البلاد وظل قلبهم “متشعلق بالبلد دي”، مضيفا: “أهلا بخالد يوسف إن شاء الله يرجع وناس كتير ترجع، ونستوعب من الآراء ألف ومليون”.