بصفته أخصائي تخاطب سابق للأطفال.. إسلام إبراهيم يحذر الأمهات

شارك الفنان إسلام إبراهيم، الجمهور بمنشور حذر من خلاله الأمهات من الشراء بشراهة أمام الأطفال.

طرح “إبراهيم” المنشور عبر حسابه الشخصي على موقع “فيس بوك” وجاء نصه كالآتي: “معلش أنا حابب أتكلم في حاجة غيظاني بعيدا عن الفن تماما بما إني كنت في يوم من الأيام أخصائي تخاطب وتعديل سلوك للأطفال وشغلي كله كان مع الأطفال وبردو ده رأيي الشخصي المتواضع”.

نرشح لك: منى زكي: لم أربي ابنتي كما ربتني والدتي

تابع: “هو لما حضرتك تبقي خارجة شارية المول كله وفي إيدك خمستاشر كيس وبأكد إنه المول مش السوبر ماركت وطلبات البيت، وواقفة ذالة العيل قدام بتاع الكاندي وبتقوليله هنشتري حاجة واحدة بس والطفل يا قلب أمه واقف في عينه حسرة وحيرة ومش عارف يعمل ايه وهو واقف قدام كل الإغراءات والألوانات دي، حضرتك كده متخيلة إنك تربوية؟!، لو هتلزمي الطفل إنه يشتري حاجة واحدة بس يبقى لازم إنتي كمان تشتري حاجة واحدة بس، الطفل حضرتك أذكى مني ومنك وذاكرته البصرية أعلى مني ومنك عينه دي عبارة عن كاميرا بتخزن كل حاجة، عينه شايفة الأكياس في إيدك وودنه بتسمع العكس”.

أردف: “للأسف بشوف المنظر ده في كل خروجة وبقى بيتكرر كتير جدا أكيد تربويا لازم نعلم الطفل يبقى عنده قناعة ورضا وإن مش كل حاجة بنشوفها نقدر نجيبها بس لازم نبدأ بنفسنا الأول، نفسي نبطل نبقي حافظين مش فاهمين، طبعا لو الطفل اللي في الصورة ده محدش يجيبلوا حاجة أصلا”.

 

يذكر أن إسلام إبراهيم، شارك في الموسم الرمضاني الماضي من خلال مسلسل “بـ 100 وش”.

مسلسل “بـ 100 وش” بطولة نيللي كريم وآسر ياسين وعلا رشدي وإسلام إبراهيم ومحمد عبد العظيم وشريف دسوقي ودنيا ماهر وسلوى محمد علي، وحنان يوسف وزينب غريب وحسن أبو الروس، ومن تأليف أحمد وائل وعمرو الدالي، وإنتاج العدل جروب،و إخراج كاملة أبو ذكري.