الشاعر خالد تاج الدين يطرح "آداب إعلام"

طرح الشاعر الغنائي خالد تاج الدين، أغنيته الجديدة تحت عنوان “آداب إعلام” على طريقة الراب، وصورها على طريقة الفيديو كليب.

الأغنية من كلمات وألحان وغناء خالد تاج الدين، إخراج بتول عرفة، وتوزيع موسيقي وميكس وليد شراقي، وماستر خالد عز.

وجاءت كلمات الأغنية على النحو التالي:

بيسف السفه ويصدق أنها فلسفة
فاكر بيقدم محتوى وبيقدم سفه
ده كلامه حتى لو تفاهه أرخص م التفه
ما يصدق بس يشوف جنازة طازة ويعمل زفه

وجهة نظر يا أعمى النظر رأيك ده خليه للـ mother
اللي اعتزل واللي اعتذر وامتى البعيد هيعيد نظر
مذيع بلم.. منيع تلم.. من ده و ده عمال تلم
أفضل شقا.. الأخضر بقى خرفان ولسه مصدقه

على السحب.. أيلك حبه أو روح اتخطب لأمنحتب
أسهل من إنك تفرش نارنا بالحطب

ماسك المايك بتحف بيه
خد ديسلاك للسف فيه
و في الـTV لو فيه بتقول إيفيه حمض م اللت فيه

فهمت حاجة ولا.. تتفضل ع المسلة
مذيع تصنيفه قلة.. حتى لو في غلاف مجلة

ننتقل للاستديو.. ما دام مصالحنا قضيوا
شوف وشك نور ازاي.. لما أسيادك عنك رضيوا

شايفك تخنت م اللغلط بت sent بالغلط بلبط ما البط برضو بيتزغط و جوع بطنك شخط شبط
حتى التريند بيك هبط أسرع تريند بيتنسى هات مكنسه.. نشفطلك سيرتك اللي مش كويسة

مبكلش من صينية البسبوسة حتى الحرف
عشان كده مبكلش من كلامكوا حتى حرف
هتعيشها لذيذ محمود عبد العزيز في فيلم الكيف
فهتدمني وهبقى بالنسبالك عبده كرف
خد ياه.. بدل الجرافته دي روح علقلك بافته
خد ياه.. علشان الفته بتنقط على الجاكته
قول آه.. مين وراه سايق غلبان على عماه
شغله دش واتعشى مش واأت قدامه تدش
ف الكرش ده عمال تحش طالع الليلادي بـ أنهي وش؟

هو إحنا لسعنا من شوية يا ولاد الذينا .. برامجوا زينه وده أذينا وفيها بس تراوزا فينا
أملنا فينا.. قبل الطوفان نبني السفينة
وجراح دفينة.. زحمانا وبرضو الوحدة فينا

فهمت حاجة ولا.. تتفضل ع المسلة
مذيع تصنيفه قلة.. حتى لو في غلاف مجلة
ألف أخبار كئيبة.. شبه أغاني شيبه
دي الفلوس ما زالت ذاله فيك من AToz مذلة

مزمزق وملزق وماشيه بالزق فـ كل ما سبق
زند اتلزق فـ البدلة وكرش إزرّق من كتر ما سرق
بيقولوا ناس كتير شافوك فوق سطح الواد حمادة هي لسه عادة؟
شافوك بترفرف م السعادة

ومستنضفش أنك تستضيفني مش هتضيفلي
ده أنت حتى لما تسكت السكوت فـ الزور وأقفلي
أنت سمج أرخص سمك لا إستكاوزا ولا جندوفلي
أنت طفلي.. أوديك أوضة الفيران وأحط قفلي

ومبتعرفش تعمل حاجة غير تشتت اللي يسمع
عادة دورك ع الهوا ده وش تلبس وش تقلع
أنت سايق طول ما بتزيف حقايق للي يدفع
جبلة.. كلامي فوق ضهرك كربجته ومش هيلسع

فهمت حاجة ولا.. تتفضل ع المسلة
مذيع تصنيفه قلة.. حتى لو في غلاف مجلة
ألف أخبار كئيبة.. شبه أغاني شيبه
دي الفلوس مازالت ذاله فيك من AToz مذلة

فهمت حاجة ولا.. تتفضل ع المسلة
مذيع تصنيفه قلة.. حتى لو في غلاف مجلة
ننتقل للاستديو.. ما دام مصالحنا قضيوا
شوف وشك نور ازاي.. لما أسيادك عنك رضيوا

نرشح لك: أبرزها عن لقب نمبر 1.. تصريحات أحمد الفيشاوي في “ليلة الخميس”