رانيا يوسف: "مش هتجوز تاني أبدا"

قالت الفنانة رانيا يوسف، إن زيجاتها الثلاث لم تحقق نجاحا، مؤكدة أن فكرة الزواج ليست ناجحة من الأساس.

أضافت “يوسف” خلال حلولها ضيفة على برنامج “ليلة الخميس”، المذاع عبر شاشة “MBC مصر”، مع ياسمين عز، مساء الخميس: “الجواز مش ناجح خالص كفكرة، إلا لو اتنين حبوا بعض بعيوب بعض قبل المميزات، وتخيلوا شكلهم وهما عواجيز مع بعض”.

نرشح لك: مجدي عبد الغني يوجه رسالة لهاني شاكر بسبب حسن شاكوش

أردفت أنها تنصح الفتيات بعدم الزواج قبل سن الـ 30، متابعا: “لأن في الـ30 الواحد بيكون أنضج شوية وأعقل، عارف هو عايز إيه في الحياة، عايز يتجوز ولا لأ، يكون عمل مستقبله، وعارف هو عايز يشيل مسؤولية ولا لأ”.

أكدت على أن الاختيار في سن الـ30 سيحقق فرقا كبيرا في الزواج، مردفة: “أنا مجنونة، وجربت مرتين بعد الـ30، بس في الحقيقة مكنتش عايزة اتجوز، بس لأننا في المجتمعات العربية بتجبرك عشان شكلك الاجتماعي وسمعتك أنك تتجوزي، بس لو كان عندي الأوبشن أني متجوزش مكنتش هتجوز”.

تابعت: “رانيا يوسف مش هتتجوز تاني أبدا، ولو حبيت هكمل قصة حب من غير زواج، أصل الزواج بالنسبة ليا ان حياة أسرية وعيلة وعيال، أصل الزواج عيلة وأسرة، وأنا الحمد لله عندي بنتين”.

أضافت: “مش محتاجة أن أننا أبوظ حاجة حلوة لو في قصة حب حقيقي حلوة فهي هتبوظ بالجواز، الضغط اللي بيعمله الجواز بيبوظ أي حاجة حلوة، الجواز بيغير الحب ويخليه عقلاني شوية”.

وعن رأيها في الزواج ونظرة الرجال له، قالت “ما يزعلوا، ما إحنا بنزعل كتير جدا إيه المشكلة، كده كده بيهاجموني”.