الأخيرة

الدعاء يغير الأقدار.. سالي عبد السلام تطمئن الجمهور على صحة الدها

شاركت الإعلامية سالي عبد السلام، الجمهور بصورة أوضحت من خلالها مدى حب والدها لها، ومدى تعلقها به خاصة في أزمة مرضه الأخيرة التي دخل على إثرها للمستشفى.

نشرت “عبد السلام” الصورة عبر حسابها الشخصي على موقع “إنستجرام” وعلقت كاتبة: “أبويا الموبايل بتاعه دايماً صورتي وأنا صغيرة وبلغد، أول ما اتخانق معايا وزعقلي قدام الدكاترة عشان مخضوضة اطمنت عليه، احنا بنتخانق كل يوم! سبحانك لو هتضربني يا عم أنا راضية بس تفضل معايا، رعبتني عليك وأنا مليش غيرك يا أبويا”.

نرشح لك: “قصة حقيقية” برنامج جديد لـ سالي عبد السلام على القناة الأولى المصرية

تابعت: “الحمدلله الدعاء يغير الأقدار والله غيرتوا كتير وطمنتوني كتير هنطلع الحمد لله ونتابع في البيت وندعي تاني وربي يستجيب دعواتكم ويسعدكم ولكم أضعاف ما دعيتم، قعدت أكتر من ٢٨ ساعة من غير نوم أنا وأمي ويومين في المستشفى ولما قالي مش عايز عناية مركزة لو فضلت فيها مش هطلع وكتبت تعهد إني مسؤولة وقعدت بيه والحمد لله عدت والتحاليل والالتهاب والصفرا وإنزيمات الكبد كانت مريبة بس لسه بتقل والتشخيص مطلعش زي ما كنا خايفين أحمدك يا رب، قضا أخف من قضا هنخرج من المستشفى بإذن الله والتهاب البنكرياس يخف ونعمل العملية لازم نشيل المرارة في أسرع وقت إن شاء الله”.

أردفت: ” وأمي كمان كان لازم نعملها العملية دي من سنتين وكنا خايفين عشان عندها مشاكل تانية بس بعد اللي حصل لازم نعملها في أسرع وقت للاتنين وخايفة أكتر بس الحمد لله، إلا المرارة والتهابها وحصواتها ده كابوس فعلاً زي ما الدكاترة بتسميه، ربنا ما يوجعكم في أهاليكم ويخليهم ليكوا يا رب ويصبر ويعوض اللي فقدوهم ويهون عليهم يا رب، الحمد لله اللهم هون اللهم بارك”.

اختتمت: “وهحتاجكم في الدعاء لأمي وأبويا من دلوقتي لوقت العملية انتوا رزقي اخترت شغلانتي عشان الدعاء يا رب وأنت تعلم ومفيش حد قالي ادعي إلا ودعيتله يا رب الدعاء أمانة، كان لازم أكتب عشان تدعولي حتى لو هو زعل بس مكانش معايا غير ربنا ودعاكم والله، أنا عند ظن عبدي بي يا لطيف الطف بنا الحمد لله، اللهم صلى وسلم وبارك على سيدنا محمد”.

 

View this post on Instagram

 

A post shared by Sally Abdalsalam (@sallyabdalsalam)

الوسوم

كاتب

إعلام دوت كوم صوت الميديا العربية
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock