زينة لأحمد عز: إسترجل - E3lam.Com
وجهت الفنانة زينة رسالة للفنان أحمد عز عبر صفحتها الشخصية على موقع “انستجرام”، قائلة “آسفه لجمهورى الغالى اللى وعدته إنى مش ها ذكر المدعو ده تانى بس كمان انا مش هسكت لأى كلمه تتقال كدب زى ما وعدتكوا”.
وتابعت زينة رسالتها قائلة “دى رسالة منى ردا على البيان المسمى بحوارات صحفية للمدعو أحمد عز أحب أقوله (مش لأن فيلمك فشل والناس مش طايقه تشوفك) لأنك ببساطه تصرفاتك لا تمت للرجوله بصلة، أحب أقولك أسترجل وبطل تجيب اسمى واعرف أن فى حكم محكمة وتحترمه غصب عنك لأنه حكم رجع لولادك حقهم وبكره يكبروا ويعرفوا انك حتى ماتستهلش تكون بنى آدم.. لم نفسك وكفاية رخص وابعد عننا بكدبك الرخيص
وأضافت “بدل ما تروح تشتكى وتعيط فى كل مكان وتعمل شكاوى وتشغل ناس بكدبك احترم حكم المحكمة، أو هات دراعك ناخد منه شوية دم نعمل تحليل DNA، ده لو عندك اصلا “.
واختتمت زينة رسالتها قائلة “ولاد عز مش هما سبب فشل ولاد رزق..والمرة الجاية لو فتحت بقك علينا تانى عليا أنا وولادك انتظر المفاجأة فى الوقت المناسب كالعادة..وأخيرا وأنا عارفه أنه صعب أحمدعز حاول تكون محترم، وأخيرا والحمد لله ربنا ظهر الحق وجاب لنا حقنا ابعد عننا بقى وحسبى الله ونعم الوكيل”.
