زينة: تامر حسني صارم جدا في بيته

علقت الفنانة زينة رضا على علاقتها القوية بالفنان تامر حسني، وقالت: “ده عشرة عمر، تامر أخ، عائليا وأسريا إحنا مع بعض، هو الوحيد اللي شاف أبويا وقعد معاه ودخل بيتي، ودي حاجة نادرة لأن أنا والدي متوفي بقاله كتير وكان بيحب تامر جدا، وبعدين تامر مثلا في مشكلة مرض أختي كان هو قبلي في المستشفى، يعني أنا معنديش عمر تاني أعوض بيه تامر يعني اللي فات من عمري ماضمنش أن هييجي قده تاني علشان أعرف يبقى عندي صديق زي تامر”.

أكدت”رضا” خلال اتصال هاتفي مع “ET بالعربي”، أن صداقتها مع تامر حسني لن يستطع أحد التأثير عليها وأنهما لا يستمعان لأحد وكل تركيزهم على حياتهم وعملهم وأنهم يحرصون على بعضهم البعض، مضيفة أنها عندما يسألها أحد عن شيء يخص “تامر” لا ترد لأنه ليس من حق أحد التدخل في خصوصيات الآخر.

نرشح لك: كلمات أغنية “قد الفراق” لـ تامر حسني

ذكرت أن تامر حسني رجل لديه منزل وأسرة وأولاد وحياته الخاصة ملك له فقط، مضيفة: “تامر حسني على فكرة صارم جدا في بيته، تامر راجل قوي ومبيسمحش بتدخلات حد أيا كان نوعها، وأنا بحترم ده فيه جدا لأن أنا أبويا مثلا كان كده”.

أشارت إلى أنها ليس من حقها التدخل في حياته الشخصية، مضيفة إلى أنها نشرت عدة مقاطع لها وهى تغني عدة أغاني من ألبوم تامر الجديد لأن الأغاني أعجبتها.

لفتت إلى أنها لا تحب أغاني الحب والهيام، قائلة: “مبحسهاش قوي، دايما باخد أغاني الحب على ولادي، على بابا الله يرحمه، فدايما أقول لتامر أنا غنيت الأغنية دي بقى النهاردة للعيال، يقول لي للعيال؟ ارحميني بقى دي أغنية حب، وبقنعه وبعدين يكلمني بعد يومين يقول لي أنا بقيت بغني الأغنية للعيال”.

وعن إمكانية دخولها مجال الغناء، قالت: “بقعد أغني كده، ومرة قلت لتامر نحاول أغني يمكن يطلع صوتي حلو واحنا كل ده منعرفش، أكون أنا مش عارفة إن صوتي حلو وأبقى ضيعت كل السنين دي وأنا مبغنيش، فقال لي لا متخافيش مضيعتيش حاجة”.