بسبب انتقادها صيد الثعالب.. ريهام سعيد لـ لقاء الخميسي: "الدنيا دواره"

أعربت الفنانة لقاء الخميسي عن استيائها من حلقة صيد الثعالب التي قدمتها الإعلامية ريهام سعيد أمس، وأثارت حالة من الجدل عبر مواقع التواصل الاجتماعي.

نشرت “لقاء” عبر صفحتها على موقع الصور والفيديوهات “انستجرام” صورة من الحلقة، معلقة: الرحمة الرحمة الرحمة يا بشر.. دا مَش مقبول إطلاقا كفعل ولا انه يتعرض على الشاشة… الحيوان بيخاف ويتألم، ليه يبقى دا فعل عادي ليه!! علّشان ايه ؟!.. الرحمه يا بشر مع الانسان و مع الحيوان وكل كائن حي .. الرحمه علينا

نرشح لك: النهار تعتذر عن حلقة صيد الحيوانات من برنامج ريهام سعيد

فيما ردت الإعلامية ريهام سعيد على ما كتبته لقاء الخميسي، قائلة: “نكذب علي الناس ونوريهم طريقه صيد غلط.. طب الحمد لله أن احنا اكتشفنا انهم بيتعذبوا كده.. وبطلي تلبسي جاكتات بالالاف عشان يبطلوا يصطادوا الحيوانات دي”.

تابعت:علي فكره انتي بتاكلي حمام و هو بيتضرب بالنار و بتطلعي سمكه من الميه وبتشوفيها وهي بتطلع في الروح وتاكليها و بتدبحي الجاموسة و بتصطادي الفار و بتقفلي المصيدة علي ديله.. اي طريقه صيد مولمة؟.

قالت “سعيد”: الإعلام دوره العرض.. أي حاجة و أي مهنة بسلبياتها وإيجابيتها.. احنا مش برنامج أطفال حضرتك.. القتل و الدم لما بيظهر في الافلام بيجرح نظر الاطفال ده مش معناه انك بتشجعي القتل؟.

وأردفت: هو الغريب اني المفروض زميلة و انك تنتقديني ده غير مسموح وبعدين انا متاكده انك ماتفرجتبش علي الحلقة.. الدنيا دواره.. علي فكرة إن شاء الله البرنامج يكون سبب في أن الظاهرة دي تقف لان الناس دي معاها تصاريح”.

واختتمت: المهم هنا اني عمري ما كنت اعرف أنك مهتمه بالتليفزيون وأول مرة اشوفك حطة بوست انتقاد علي أساس مفيش حاجه خالص تنتقد غيري.. معلش انا مقدرة بس خلي بالك عشان كله بيرجع”.

انستجرام ريهام سعيد لقاء الخميسي مواقع التواصل الاجتماعي