محمود عبد المغني يرد على انتقادات "صاحب المقام"

دنيا شمعة

ذكر الفنان محمود عبد المغني، كواليس دوره في فيلم “صاحب المقام” الذي تم عرضه مؤخرًا عبر منصة “شاهد”، كما رد على الانتقادات الموجهة للفيلم وفكرته.

قال “عبد المغني” أثناء لقائه مع برنامج “it’s show time”، مع الإعلامية هبة الأباصيري: “دي ناس بسيطة أنت مش هتحاسبها على بساطتها، وحب آل البيت.. الموضوع موجود من قديم الأزل، فبنتكلم في إيه؟، مبقولش روح قولهم اعملولي، بس لما ندخل مكان زي ده يبقى نقعد باحترامنا ونقرأ الفاتحة، ومبنقولش نتخطى الذات الإلهية أبدًا”.

نرشح لك: ثلاثي “صاحب المقام” يجتمعون مرة أخرى في “شكوكو”

أضاف: “ناس كتير بتبقى فاكرة إن معاصيها تمنعها من الدعاء لربنا.. أنا من أول ما جالي المشهد ده وأنا حاسس إن الرسالة اللي المفروض أوصلها صعبة جدًا.. واللي هي إنه خد الخطوة أحسن ما متخدهاش خالص، المشهد ده أستاذ إبراهيم عيسى كتبه بحب كبير جدًا.. وما أنا إلا ترجمت هذا الإحساس”.

أردف: “فيه ناس اعتبرت المشهد بتاعي هو الفيلم كله.. وأنا لما اشتغلت على المشهد مع ماندو العدل في بولاق أبو العلا.. كنت حاسس إننا عملنا مشهد حلو وبس”.

فيلم صاحب المقام، من بطولة آسر ياسين ويسرا وأمينة خليل، وتأليف إبراهيم عيسى، وإخراج ماندو العدل.