الأخيرة

تعرف على أصعب حكايات مسلسل “نمرة اتنين”

قال المخرج والكاتب آدم عبد الغفار، إنه أثناء كتابة مسلسل “نمرة اتنين”، كانت هناك حلقات صعبة جدًا في ظروفها الدرامية.

تابع “آدم” أثناء لقائه مع “ET بالعربي“: “فكرة (نمرة اتنين” جاتلي بعد ما خلصت (شوكة وسكينة)، كنت عاوز أعمل حاجة بشكل جديد، كان فيه زوايا كتير حاسس أن محدش اتكلم عنها قبل كده”.

نرشح لك: كلمات أغنية “في جمال كده” لـ تامر حسني

أضاف: “فكرة المشروع كله اتبنت بـ3 أفكار معايا، ولما عرضتهم على الشركة المنتجة اتحمسوا ليها جدًا، وروحت بدأت أكمل الحلقات على طول لحد ما كتبت 12 قصة وبعدها اخترنا أفضل 8 حلقات”.

أردف: “إننا نعمل مشروع فيه كل الأسماء التقيلة دي.. ده يخليك مطمن، واشترطت على الشركة المنتجة إني ما أخرجش غير حلقة واحدة وأن كل حلقة تبقى بمخرج مختلف، لأن كل حلقة ليها طعم مختلف”.

استكمل: “حلقة (آخر الليل) هي أول حلقة كتبتها وعملتلها معالجة، وهي اللي جابتلي فكرة باقي الحلقات.. كانت بالنسبة لي حلقة الحظ، الحلقة دي العامل الأساسي فيها المكان”.

اختتم: “أصعب حلقة هي حلقة أحمد مالك ومنة شلبي.. اتأثرت جدًا بكتابتها وحتى أستاذة مريم نعوم كمان اتأثرت جدًا وهي بتكتب السيناريو والحوار.. ظروفها الدرامية صعبة جدًا”.

يشار إلى أن مسلسل “نمرة اتنين” تدور أحداثه خلال 8 حلقات، ويتكون من عدد من المؤلفين وائل حمدي وسارة طيبة وآدم عبد الغفار ومريم نعوم، والمسلسل سيتولى إخراج حلقاته كل من طارق العريان ويسرى نصر الله وآدم عبد الغفار وتامر محسن وهادي الباجوري وهاني خليفة وأحمد النجار ومحمد شاكر خضير.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock