تعليق تامر أمين على انتحار شاب بسبب خسارته في لعبة مراهنات إلكترونية

دنيا شمعة

علق الإعلامي تامر أمين، على حادثة انتحار شاب ألقى نفسه من الطابق الرابع بعدما أصاب نفسه بجرح قطعي باليد والقدم، وذلك لخسارته 50 ألف جنيه، في لعبة مراهنات إلكترونية تسمى “أوليمبيك ترند”.

قال “أمين” خلال تقديمه برنامج “آخر النهار”، مساء الثلاثاء، عبر شاشة”النهار”: “أنا قلت كتير بصوا على عيالكم.. انتوا شفتوا الكوارث، وشفتوا البت اللي اسمها مودة الأدهم والبت اللي اسمها حنين حسام حصلهم إيه.. السبب هو السوشيال ميديا والإنترنت وإننا سايبينهم في حالهم في هذا العالم”.

نرشح لك: تامر أمين عن رسالة تامر حسني لزوجته: منتهى العقل

أضاف: “الإنترنت زي ما هو بيقدم خدمات.. فممكن يبقى حانوتي، ممكن يوصل الشباب لقبرهم.. خلصنا من الحوت الأزرق، دخلنا على الفيل الأزرق وشوية المراهنات على النت.. زي الناس اللي في الريف اللي لسة بيصدقوا وبيحطوا مدخراتهم مع ريان جديد”.

أردف: “الأحداث دي ربنا بيبعتهالنا إيه.. عشان نشوف ولادنا ونشوف نفسنا، لكن كل مرة نقع في نفس الأخطاء تاني وتالت ورابع”.