10 تصريحات لـ عايدة رياض.. أبرزها عن ديانتها ومحرم فؤاد

حسام السكران

حلّت الفنانة عايدة رياض ضيفة في حلقة أمس من برنامج “مساء dmc”، مع الإعلامية إيمان الحصري، عبر شاشة “dmc”، وتحدثت عن أعمالها الفنية وعلاقتها بالفنان الراحل محرم فؤاد، وكذلك عن تعرضها لوعكة صحية في وقت سابق.

 

وفيما يلي يستعرض “إعلام دوت كوم” أبرز تصريحات عايدة رياض:

 

1- مبسوطة إني بقيت تريند على السوشيال ميديا ودا حصل لما عرفوا إني كنت متجوزة محرم فؤاد.

2- في حد كتب بوست ونزله وهو في الكعبة، افتكرت إن في حد عايز يعمل تفرقة في الدين، فكلمت الدكتور أشرف زكي، عشان أعرف ايه الموضوع.

3- أنا بليدة في التكنولوجيا معنديش فيسبوك ولا إنستجرام ولا أي حاجة في التكنولوجيا، فمعرفتش ايه الموضوع.

4- أشرف زكي قالي إنتي عاملة تريند جامد جدا وكان مبسوط، مكنتش حابة إن حد يعمل حاجة بالطريقة دي.

5- بقالي 30 سنة بمثل، وعمر ما حد سألني انتي بتعملي أيه ولا ديانتك أيه، وكان جيرانا أرمن ويهود وكان في محبة بين الجيران.

نرشح لك: عايدة رياض: شاركت محمد رمضان في “الألماني” لدعمه بدون أجر

 

6- احنا مصريين طول عمرنا ومفيش حد بيسأل في الحاجات دي وحنفضل كدا طول عمرنا المسلم والمسيحي وكل الديانات.

7- كنت متزوجة الفنان محرم فؤاد وكان حامي جدا وبيغير عليا والحب كان مالي حياتنا.

8- كانت قصة جميلة، محرم لما جه اتقدم ليا قال لبابا مفيش فرق بينا وأنا عندي جيران يهود ومسيحيين وبابا برضو مقالش حاجه في الموضوع دا”.

9- مشهد الضرب الكوميدي بيني وبين عادل إمام، اتعمل وان شوت وعادل قالي بقولك ايه أنتي رياضية بقا والفرقة القومية، اوعي تضربيني جامد، قولتله خليك خفيف ولذيذ بقى معايا.

10- الفترة الماضية كنت تعبانة، لكن بقالي 5 سنين الحمد لله اهو في تحسن وصحتي بقت كويسة.

نرشح لك: عايدة رياض: أنا مسيحية ومعملتش عمرة