بعد إطلالاته الغريبة بالجونة.. ستايلست إسلام إبراهيم: بحب الحاجات المطرقعة
أسماء سرور
بإطلالات مثيرة للجدل، ظهر الفنان إسلام إبراهيم، خلال الأيام الأربع الماضية للمهرجان، حيث ظهر في حفل الافتتاح ببدلة سوداء مُرصعة بـ 1200 دبوس ذهبي اللون، وفي اليوم الثاني والثالث ارتدى ملابس بألوان زاهية، وظهر أمس مرتديا “جاكيت” مرسوما على ظهره صورته بإطلالة كان قد اعتمدها في ظهور سابق له بمهرجان الجونة.
“إعلام دوت كوم” تواصل مع كاميليا حسين، استايلست الفنان إسلام إبراهيم، التي أعربت عن سعادتها بالمشاركة في مهرجان الجونة، مضيفة: “أول مرة أشارك في المهرجان ومبسوطة بالضجة اللي حصلت.. الناس والسوشيال ميديا كلها بتتكلم عن إسلام”.
نرشح لك: إسلام إبراهيم: “بيشبهوني بـ حمدي الوزير”
أضافت: “أكتر تعليق ضحكني لما الناس قالت لإسلام أنت جايب استايلست من (مذر كير)، وطبعًا في تعليقات مش حلوة وناس انتقدتني، وكنا متوقعين ده، لأن مش أي حد هيعجبه الأفكار الغير تقليدية”، مؤكدة أنها حرصت أن تظهر في اختياراتها الشخصية الكوميدية لإسلام إبراهيم، ووجدت منه ترحيب بذلك.
وحول تشبيهه ببعض الفنانين، علقت قائلة: “إسلام مش شبه حد، ومش أي حد عنده جرأته”، مضيفة: “في شغلي معاه دايمًا بنعمل لآخر لحظة، والجاكت اللي ظهر بيه امبارح ده فكرة نفذناها قبلها بساعات، ولحد دلوقتي بنعمل تعديلات على (أوت فيت) الحفل الختامي للمهرجان، واكتفت بوصفه “مختلف وملون وهيكون مفاجأة”.
فيما قالت: “أنا بحب الحاجات المختلفة والمطرقعة، حتى في لبسي، وبشوف إن الألوان الكتير بتخطف العين عن الأسود أو أي لون وده اللي فكرت فيه مع إسلام”، مؤكدة على أنها عملت في تصميم ملابس لإعلانات سابقة، لكن كان بعضها في شكل تقليدي.
اختتمت حديثها قائلة: “سعيد بالحالة دي، وأقدر اشتغل كذا حاجة واستايلات مختلفة”.