بسبب العزاء.. ابنة رجاء الجداوي تنفي خلافها مع رانيا محمود ياسين
ردت أميرة مختار ابنة الفنانة الراحلة رجاء الجداوي على ما تداولته بعض المواقع الإلكترونية، حول انفعال الفنانة رانيا محمود ياسين عليها خلال تقديمها لواجب العزاء في والدها الفنان محمود ياسين.
نرشح لك: أبرزها عن طبيعة مرض والدها.. 10 تصريحات لـ رانيا محمود ياسين
كتبت أميرة عبر حسابها على فيس بوك: “من كام يوم اتكتب إن في خلاف بيني وبين صديقتي رانيا محمود ياسين، وده ملوش أصل من الصحة، وتداولوا بعض الفيديوهات من العزاء وكانت تبدو فيها رانيا منفعلة، لكن الحقيقة إن رانيا كانت منفعلة عشاني لما كتب مش عليه.. وأنا ورانيا لسه قافلين مع بعض التليفون وبنسأل بعض هو إيه اللي بيحصل ده!”.
من جانبها، ردت رانيا على المنشور كاتبة: “ربنا يديم المحبة والأخوة يا حبيبتي يارب.. ويهدي الناس الغريبة اللي بتفتي، هما كانوا سمعوا إحنا بنقول إيه! الله يقوينا على فراق أهلنا.. الله يرحمهم يارب ويسكنهم فسيح جناته ويربط على قلوبنا”.
تابعت: ” صحيح أنا مش رايقه للرد على اللي اتقال عليا بافتراء الأسبوع الماضي، لأن حزني مش مخليني أفكر في حاجة غير بابي.. لكن شكرا يا أميرة إنك وضحتي للناس الحقيقة وإني كنت زعلانة عشانك، لأن في ناس تجاوزوا معاكي لما كتبتي بوست، وإني مكنتش زعلانه منك لكن عليكي.. ربنا يهدي الناس الغريبة دي”.
كان رواد مواقع التواصل الاجتماعي قد تداولوا فيديو لأميرة مختار من عزاء الفنان محمود ياسين، قبل أيام، تواسي خلاله الفنانة رانيا محمود ياسين التي بدا عليها علامات الانفعال، ويظهر الفيديو معاتبة رانيا لأميرة وانفعالها، وأرجع البعض السبب إلى ما نشرته الأخيرة عن إصابة الفنان الراحل بالزهايمر قبل وفاته بأعوام.