كلمات أغنية "بطلت" لـ زهرة رامي

طرحت المذيعة زهرة رامي، أولى أغنياتها المنفصلة بعنوان “بطلت”، عبر قناتها على موقع الفيديوهات “يوتيوب”، والتي صورتها على طريقة الفيديو كليب.

ويستعرض إعلام دوت كوم، كلمات الأغنية فيما يلي:

نرشح لك: “بطلت”.. زهرة رامي تطرح أولى أغانيها

بطلت أنجر لأي جدال 

ولأي خلاف مالهوش لازمة 

بطلت أغرق في القيل والقال

وأريح عقلي من الأزمة

بطلت أسخن.. بطلت اهتم

بأي حوار حارق للدم

وخلاص عودت عنيا تشوف

اللقطة الحلوة في أي ظروف

والقلب كمان علمته يفوت

من أي جراح ويعيش مبسوط

ويدق وينسى وميدقش

بطلت أحب ومتحبش.. 

بطلت أتشد لأي صراع

ولأي سباق هيأخرني

بطلت أتعصب علشان شئ

هيجيبلي صداع ويعطلني

بطلت أحب حاجات كانت

هي الدنيا وكل جمالها

بطلت أحب الزحمة عشان

الناس اتقلبت أحوالها

بطلت أصدق ومكدبش

بطلت أحرص ومخونش

بطلت اتساق بغباء ومسوقش

بطلت اعمل حسابات لكلام

مش هيقدم ولا هيأخر

بطلت فتاوى سياسة ودين

بطلت اتدخل بين اتنين

هطلع خسران منهم واحد

بطلت اتعصب قوي وازعل

بس 

في حاجات مش عارفه ابطلها

مش عارفه أبطل اتفائل

بالنص المليان وأفرح بيه

مش عارفه أبطل أقول بكره

أجمل وأفضل أحلم بيه

مش عارفه أبطل إني أحلم

بحاجات صعب أنها تتحقق

ولا عارفه أبطل أغني

غير لما بآمن وبصدق

 الأغنية من كلمات أحمد شلبي، وتوزيع زياد هشام، ومن ألحان زهرة رامي، وذلك في أول تجربة تلحين لها، والفيديو كليب من إخراج خالد السباعي.