عارفة عبد الرسول عن صورتها بالمايوه: "سيبوني أدخل النار"

تعرضت الفنانة عارفة عبد الرسول، مؤخرًا لانتقادات كبيرة، بسبب صورة لها ظهرت فيها بـ”المايوه”.

ردت “عبد الرسول” عبر “ET بالعربي“، قائلة: “أنا إسكندرانية وطول عمرنا بنلبس مايوه وبننزل البحر، وعارفين البحر يعني مايوه وبننتقد الناس اللي بتيجي إسكندرية، وبتنزل البحر ببنطلون والمايوه جزء من حياتنا”.

نرشح لك: هدية رانيا يوسف لـ عارفة عبد الرسول

أضافت: “أنا استغربت من الناس اللي بتهاجم الصورة والصورة مفيش فيها حاجة وده مايوه له شورت وجيبه ولا قطعة واحدة ولا قطعتين ولا بوركيني ومغطي المناطق كلها، وربنا يهدي الناس كلها وكل اللي عوزاه من الناس كل واحد يبص في ورقته، ماحدش له دعوة بالتاني يعني أنت مالك، لما كلكم هتدخلوا الجنة مين هيدخل النار، سيبوني أنا أدخل النار”.

يشار إلى أن آخر أعمال عارفة عبد الرسول، مسلسل “رجالة البيت” رمضان 2020، مع أكرم حسني وأحمد فهمي، وبيومي فؤاد وويزو، تأليف أيمن وتار، وإخراج أحمد الجندي.