الأخيرة

هدى المفتي تبدأ تصوير مسلسل “تحقيق”

بدأت الفنانة هدى المفتي، تصوير مسلسل “تحقيق”، بجانب الفنان أحمد مالك، وخالد أنور، وتارا عماد، ومي الغيطي.

نرشح لك: تارا عماد تبدأ تصوير مسلسل “تحقيق”

كان السيناريست محمد الدباح، أعلن عبر حسابه الشخصي على موقع “فيسبوك” بدء تصوير المسلسل، كاتبا: “وسط كل المشاريع فيه ٤ مشاريع بالنسبالي مشاريع عمر وبتمنى أقدر أنفذهم (تحقيق) واحد منهم ويمكن أهمهم، مشروع كتبت النسخة الأولى منه من أربع سنين وماكنش عندي أمل انه يتنفذ بسبب صعوبته بس دلوقتي ربنا أراد اننا نوصل للمرحلة دي، معظم الناس القريبة مني عارفين عن المشروع وفيه منهم كمان قروا حلقات الموسم الأول كله ومن وقتها وأنا بستمتع بردود الفعل فيما يخص الحلقات”.

تابع: “عايز أقول لكل الناس اللي حبت المشروع وتحمست من السيناريو إنها تشوفه، هانت، المشروع ده غالي عليا جدا لأني كتبته في وقت كنت فيه مش متأكد إن أي حاجة بكتبها ممكن توصل في حتة ومع ذلك قفلت على نفسي ٣ شهور وكنت بشتغل في اليوم ٨ و ٩ ساعات، لحد ما خلصت النسخة الأولى، على مدار الأيام الجاية حتكلم عن ناس كتير صدقوا في المشروع ده وساعدوني عشان نقدر سوا نحققه، زي ما اسمه (تحقيق)”.

مسلسل “تحقيق” بطولة أحمد مالك، خالد أنور، مي الغيطي، علي قاسم، تارا عماد، هدى المفتي، ومن إخراج محمد فتحي “شانج”، وإنتاج أروما.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock