عمرو سلامة عن بوست التحرش: كنت حمار

علق المخرج عمرو سلامة، على الجدل الكبير الذي أثير مؤخرًا، حول رأيه عن التحرش وعلاقته بالكبت الجنسي، والذي كتبه عام 2014 في منشور عبر حسابه الشخصي على موقع “فيسبوك”.

نرشح لك: آسر ياسين يطالب بعدم الدعوة إلى التحرش داخل الأعمال الفنية


نشر “سلامة” عبر حسابه الشخصي على نفس الموقع، منشور جاء نصه كالآتي: “في بوست قديم ليا من ٢٠١٤ كتبته في لحظة غضب بعد حادثة تحرش كبيرة، وكان كمان في شكل تساؤل مش رأي قاطع، وكنت بتساءل لو الكبت الجنسي هو سبب التحرش وحلول ده ممكن تكون إيه، بيتم نشره دلوقتي وإعادة تدويره كإثبات من منطق: “بصوا! أهه الشخص اللي بيهاجم آراء الشيوخ”.

تابع: “بعيدا إني غيرت آرائي طبعا في خلال الست سنين دول، وخصوصا في الموضوع ده، بس لو حتى ده ما زال رأيي، ماشي، أنا زنديق، وآرائي شاذة، واللي يعرف أبويا يروح يقوله، أنا لا لابس عباية ولا عندي منصب في مؤسسة دينية، ومش بتكلم بالدين والشرع كإني واخد تفويض من ربنا علشان أبرر أو أسبب لمعتدي وحشي أعماله الإجرامية”.

أردف: “أنا إنسان عيسوي فنان بوهيمي يفعل ويقول ما يحلوا له، بقول كثير آراء وبتتغير، وبعترف إني ساعات أنا شخصيا كنت حمار، وكل يوم بتعلم، وكل ما يعدي كام سنة وأشوف آرائي القديمة أستتفها، وده بيبسطني جدا لإنه معناها إني علمت أكثر، وأتمنى أفضل أتعلم، من أي حد مهما كان”.