أحمد فلوكس: "اللي تطلبه هنا هعمله لغاية ما أموت"

قال الفنان أحمد فلوكس، إنه لم يكن يريد أن يطلق هنا شيحة، مُتابعًا: “لأن هنا جميلة جدا ومن الناس اللى قابلتهم ومايتعوضوش.. كانت بتحبني جدا.. وست بمليون راجل”

أردف “فلوكس” خلال برنامج “شيخ الحارة والجريئة” على قناة “القاهرة والناس”، مع إيناس الدغيدي: “ولكن أنا كراجل صعب.. صعيدي حتى لو ماروحتش الصعيد طول عمري.. وعصبي جدا.. وفي نفس الوقت هنا مايتفرطش فيها بسهولة بس هي اللي طلبت، وطبيعي اللي هتطلبه هنا هعملهولها لغاية ما أموت”.

في سياق آخر، قال إنه يتمنى أن يرتبط بسيدة جميلة كانت زميلته في المدرسة، متابعا: “أنا بحب أهزر مع الناس على السوشيال ميديا عشان كده قولت الكلام ده على حسابي.. ولكن الرجالة محتاجة فلوس كتير علشان يتجوزوا .. لأن الراجل بيعمل كل حاجة”.

أشار “فلوكس”، أن أكثر شيء يشعره بالضيق في الزواج هو كلمة “بنشترى راجل، لأن الجملة دي لو اتقالتلى هسيبها وهمشي.. جملة صعبة جدا”.

أوضح “فلوكس” أنه لم يدخل الفن عن طريق والده، مُتابعا: “بالعكس هو كان رافض.. أنا دارس إعلام قسم تصوير.. وأبويا كان عايزني أشتغل في البيزنس.. وبالفعل أنا دلوقتي فاتح شركة.. لأن الفن مابقاش هو اللي تربينا عليه.. وأكبر دليل على كلامي، أني كنت بروح الجامعة بميكروباص.. يعني تعبت في البداية”.

وعن الفيديو الذي كان يهاجم فيه الهارب، معتز مطر، قال “فلوكس”، “أنا عمري ما هدخل حزب.. لكن وقت هجومي على هذا الشخص.. أي بني آدم طبيعي هيهاجمه.. لأنه بيقول ادعاءات.. وكان من واجبي أقول الكلام ده .. أنا شفت عساكر وظباط وصف كلهم ناس بتسيب بيوتهم وبيروحوا معسكراتهم.. دول بيبنوا.. في الوقت اللي في ناس بتهد”.

نرشح لك: تامر هجرس: لا أمانع العمل في فيلم من إنتاج إسرائيلي