عمرو سلامة يوجه رسالة حادة لكبار السن بسبب كورونا.. هتبقى أسوأ تجربة في حياة ولادك
وجه المخرج عمرو سلامة، رسالة حادة إلى الأهالي وكبار السن، بسبب فيروس كورونا المستجد “كوفيد-19” معتذرا في بداية حديثه عن نبرته في الكلام الموجه إليهم.
قال “سلامة” عبر حسابه على موقع التغريدات القصيرة “تويتر”: ” آسف لنبرة الكلام اللي هقوله، بس إلى كل الأهالي والكبار في السن والأكثر عرضة للمضاعفات، ماتطلعوش من أوضتكم، لو بتحب ولادك لازم يصعبوا عليك لإنك لو حصلك حاجة لا قدر الله مش هيعرفوا يتصرفوا بيك وهتبقى أسوأ تجربة في حياتهم.
تغريدة “سلامة”، أثارت غضب بعض متابعيه حيث قال أحدهم:” لو احنا ولادهم مشلناهم اوقات تعبهم ومرضهم .. يبقي احنا لازمتنا ايه ف الدنيا دي”، وقال آخر:” ممكن نخليها اشيك ونوصي الأبناء على الكبار انهم ياخدوا بالهم منهم علشان نبرة ان الكبار مستهدفين حتى بتستخدم كمان ف تطمين الناس بانهم يقولولهم متخافوش نسبة الوفيات من الكبار سنا كأنهم عادى يموتوا يعنى شايفها مسيئه جدا”، ووصفه ثالث بـ “الأناني”
وكان قد دعا عدد كبير من الفنانين منهم الفنانة يسرا، وليلى علوي، وغادة عبد الرازق، وأحمد السقا وغيرهم المواطنين الإلتزام بالعزل الذاتي في المنزل خوفا من تفشي فيروس كورونا في مصر.