إلقاء سيارة توفيق الدقن في الشارع

أعرب رشدي الدقن، نجل شقيق الفنان الراحل توفيق الدقن، عن استيائه الشديد ممن تسببوا في إخراج سيارة عمه، من الجراج وتركها في الشارع، بحجة أنها تشغل حيزًا كبيرًا، منذ أن تم ركنها في الجراج منذ 50 عامًا.

نشر “الدقن” عبر حسابه الشخصي على موقع التواصل الاجتماعي “فيس بوك” عدة صور للسيارة بعد أن تُركت في الشارع، وكتب: “دي عربية عمي الفنان الكبير توفيق الدقن، محتفظين بها من ريحته بقالها ٥٠ سنة في أول جراج عمارة العباسية اللي كان عايش فيها، وبندفع الاشتراك بتاع الجراج بانتظام”.

نرشح لك: توفيق الدقن.. الوجه المضحك للشر

تابع: “أمس صاحب العمارة بمعاونة مرتشين وناس لا بتفهم في الذوق ولا الفن ولا عندهم أخلاق حاولوا يرموا العربية في الشارع، لولا ستر ربنا حد شافهم وقال لنا، طبعا العربية أمريكاني، فلها مكان كبير وهو عايز يفضي مكانها بأي طريقة، علشان يركن مكانها عربيتين ويأجر المكان للي عايز بالساعة وطز في التاريخ والقيمة والفن”.

أردف: “الراجل ده يحتمي في جنسيته الأمريكية ولا عارفين ناخد معاه حق ولا باطل، وأخلاقنا تمنعنا من الرد على البلطجة بالبلطجة، فيا كل عشاق زمن الفن الجميل شيروا اللي حصل ده، يمكن يقتنع أن التاريخ مش للبيع”.

شاهد: أبرز لقطات حفل افتتاح الدورة الأربعين لمهرجان القاهرة السينمائي الدولي 2018