زينة لأحمد عز : فضحت نفسك وفضحتنا معاك

11 مارس 2015 | 07:59 مساءً

من خلال مداخلة هاتفية أجرتها الفنانة “زينة” اليوم الأربعاء لبرنامج “ست الحُسن”، التي تُقدمه الإعلامية “شريهان أبو الحسن” على قناة أون تي في، علقت زينة على ما يتم نشره في الإعلام قائلة “ماتصدقوش الكلام اللي بيتكتب لأن كله غلط، انا إللي عندي الحقيقة”

و أضافت “عيب أوي يا عز اللي أنت بتعمله ده فضحت نفسك و فضحتنا معاك، عيب أوي لما تقف قُدام طفلين وواحدة ست، انت من مصلحتك إن ربنا يظهر الحق لأني لو طلعت قلت إللي عندي والناس عرفت حقيقة كذبك مش هتعرف تمشي في الشارع، انا عندي كتير أوي واللي عندي كله بإثباتات”

و تابعت زينة هجومها على أحمد عز قائلة “صعبان عليا اللى بيعمله أحمد عز فى أولاده، وأنا مش هاسيب حقى يا عز، ومش هاسيب حق عيالى وهاخده، وهاجيبه من حبابي عنيك، ومافيش حق بيروح وراه مطالب، وأنا مش مطالب عادى.. أنا أم.. حسبى الله ونعم الوكيل فيك.. أنت هاتروح من ربنا فين”

و أنهت زينة المداخلة قائلة “لدى إثبات على كل ما أقوله.. أنا عندى كتير أوى وساكتة وصابرة ومحترمة أولادى، الناس مش بيعجبها حاجة.. الحقيقة ستُقال فى يوم من الأيام، و إن كنت تخشى جمهورك.. جمهورك ما بيحبكش.. أنت واقف أمام أولادك الذين بحاجة إلى الستر، وبإذن الله ولادك هما إللي هيعرفوا ياخدوا حقهم منك كويس ”