"البدري" ينفعل على مدحت شلبي وينسحب من مداخلة on sport

انفعل الكابتن حسام البدري، المدير الفني للأهلي بعد أن وجه الإعلامي مدحت شلبي سؤالا له على الهواء، عن طريق مراسل قناة on sport، حسن غنيمة، حول نظرته غير اللائقة لحكم مباراة الأهلي والإنتاج الحربي، محمود عاشور.

قاطع “البدري”، المراسل قائلا : “كلمة نظرة غير لائقة دي أمر غير مقبول.. مين اللي بيقول كدة؟ هو الطرد بالبصة دلوقتي؟”.

طلب “شلبي” أن يتحدث مباشرة إلى “البدري”، وقال له: “انت تعلم مدى تقديرنا جميعا ليك بلا استثناء.. الكاميرات رصدت النظرة يا كابتن.. وانت راجل حقاني.. لو حد بصلك من فوق لتحت مرتين انت هتعتقد الشخص ده بيعمل ايه؟”.

فرد البدري: “يعني إيه ممن فوق لتحت.. أنا كل تركيزي مع الحكم وهو جاي عليا عشان اشوف عايز يقولي ايه.. أنا لا كلمته ولا بصتله”.

البدري أكد بالفعل أن الحكم اعترض على “بصته” إليه، وهنا قال “شلبي”: “إحنا كمان هنا حسينا إن النظرة كانت قاسية عشان أكون صريح معاك”، فرد البدري: “قاسية؟؟ طب نبقى نحننها شوية”.

وطالب شلبي من البدري الاعتذار لعاشور وهو ما رفضه المدير الفني للأهلي ، قائلًا: “لا مينفعش يا كابتن مدحت الكلام دا.. أنا مقبلش الكلام ده”، وانسحب من المداخلة.

نرشح لك – فيديو.. طرد حسام عاشور بعد انتهاء مباراة الأهلي والإنتاج الحربي

https://www.youtube.com/watch?v=-4SbAQMEhYQ