ريهام سعيد: «نعش فاتن حمامة وقع عشان المخدرات»

قالت الإعلامية ريهام سعيد أن سبب سقوط نعش الفنانة فاتن حمامة هو المخدرات، «والله العظيم عشان المخدرات».

وأوضحت، في برنامجها «صبايا الخير» على قناة النهار، أمس الثلاثاء: «أستاذ عمرو أديب وهو بيتكلم على جنازة الفنانة سيدة الشاشة العربية فاتن حمامة الله يرحمها، كان قبليها بيوم على طول جايبين فيلم، على مش فاكرة قناة إيه، سي بي سي + 2، عشان تعرفو إن أنا روحي رياضية وبتفرج على القنوات التانية اللي بتكرهني، نهر الحب، وبقول ياه قد إيه الست دي جميلة وعظيمة، عمرو بقى طول ما هو بيتكلم بيقول إيه، إيه اللي حصل، ليه ليه الست دي النعش بتاعها يقع، وليه نهد الجامع واحنا نازلين، وليه الموبايلات تطلع في جنازة، المفروض إن احنا نتشاهد، كنت عايزة أقوله يا عمرو عشان المخدرات، والله العظيم عشان المخدرات».

وأضافت: «ثلاثة اربع الناس دي واللي بتصلي كمان بتاخد مخدرات، والله العظيم، ما هو أنا عشان أشوف نعش جي، بدل ما أوسعله أروح عليه أكثر وأشوف النعش بيتحرك هيقع وأزنق أكثر وأزق أكثر وأبقى في كل ده بطلع موبايل.. أنا كنت عايزة أقول لعمرو أديب يا عمرو المخدرات بوظت كل حاجة، بقت عاملة انعدام بالشعور بأي حاجة حتى الموت».

نقلًا عن المصري اليوم

اقرأ أيضًا:

متهم بالقتل ينفعل على ريهام سعيد ويسقط الميكروفون على الأرض

علي جمعة: “ابن تيمية” عمل بلاوي.. بس مش هنرميه

تابعونا عبر تويتر من هنا

تابعونا عبر فيس بوك من هنا