القرموطي يطالب بالتعامل مع حادث أبوقرقاص على غرار "تيران وصنافير"
طالب الإعلامي جابر القرموطي ، من الحكومة المصرية، بالتعامل مع المتهمين في واقعة تجريد السيدة سعاد ثابت، من ملابسها، في مدينة أبوقرقاص بالمنيا، على غرار تعاملها مع متظاهري 25 إبريل، والقبض عليهم لرفعهم شعارات تؤكد مصرية جزيرتي تيران وصنافير.
وقال القرموطي، خلال حلقة اليوم الخميس، من برنامجه مانشيت”، المذاع على قناة ONtv: “اللي عملوا كدة مش أقل من من متهمي تيران وصنافير اللي اتهموا بزعزعة الأمن”، مطالبًا بالقبض عليهم ومحاكتهم بشكل عاجل.
أضاف القرموطي: ” لو سبت التطرف بالشكل ده مش هنخلص .. ومش عايز أحط كل العبئ على وزارة الداخلية في هذه الأمور في الوقت اللي هناك أسباب كثيرة اخرى أوصلتنا لما نحن عليها الان .. العلاج ليس أمني فقط ولكن هناك دور مجتمعي ودور للدولة”.
واستنكر القرموطي، طريقة التعامل مع الأحداث الطائفية، والتي تنتهي في الأغلب بفرض واقع محدد على الطرف المسيحي، حيث قال: “ماينفعش نقولهم اقبلوا بالموجود أو انتوا أحرار”، مطالبًا بأن تكون سلطة الدولة “على الكل”.
تابع القرموطي: “مفيش حاجة اسمها سيدة تُجرد من ملابسها.. دي مش رجولة.. طيب مفيش رجولة في المشهد العام لكن على المستوى القضائي ؟ لازم يتحاكم اللي عمل كدة.. ومش هيملى عنينا الشهر الحبس ده.. اللي يرضينا القصاص “.
القرموطي أكد على أنه ” مش بيضخم الدنيا “، عندما يطالب بالقصاص، كما رد على من يطالبون بـ”لم الدور”، قائلًا: ” مش بنضخم الدنيا .. لكن مكنش فيه تحرك مقبول .. هو انتوا متخيلين ان المسيحيين عايزين نكد؟ لا هو وعايز يعيش ويقولك أنا صاحب الأرض زيي زيك”.
أضاف القروطي: “فيه ليه فتنة أصلا مدام كله تحت سيادة القانون .. وأنا بدافع عن المصريين مش المسيحيين.. واللي اتعرت دي في مقام أمي”، مؤكدًا أن موقفه سيكون نفسه ، إذا كانت هذه السيدة مسلمة.